🔴 पत्नीचा खून करून फरार झालेल्या आरोपीस बार्शी पोलिसांनी केली अटक;

बार्शी पोलीस कारवाई | २५ मे २०२६🔴 पत्नीचा खून करून फरार झालेल्या आरोपीस बार्शी पोलिसांनी केली अटक; गुन्ह्यातील हत्यार जप्त!बार्शी, दि. २५ मे २०२६ — बार्शी तालुका पोलीस ठाण्याने मोठी कारवाई करत पत्नीचा खून करून फरार झालेल्या आरोपीस अटक करून गुन्ह्यातील हत्यार जप्त केले आहे. विशेष म्हणजे सहाय्यक पोलीस निरीक्षक महेश माने यांनी बार्शी तालुका पोलीस ठाण्यात रुजू होऊन अवघे १५ दिवस उलटले नाहीत, तोच त्यांच्या नेतृत्वाखाली ही मोठी कारवाई यशस्वीरीत्या पार पडली.दिनांक २५ मे २०२६ रोजी सकाळी १०:१५ वाजता लक्ष्याचीवाडी गावातून बार्शीकडे परत येत असताना परांडा रोडवरील प्रभाग हॉटेलजवळ जुपीटर गाडी क्रमांक MH-13 FA 4016 मधून येत असलेल्या आरोपी ऋषीकेश संभाजी पाटील, रा. नागणे प्लॉट, परांडरोड, बार्शी यास पोलिसांनी ताब्यात घेतले.प्राप्त माहितीनुसार, आरोपी ऋषीकेश पाटील याने आपल्या पत्नीला थांबवून तिच्या चारित्र्यावर संशय घेत तिला जवळील धारदार हत्याराने गळा, मानेवर व पोटावर वार करून गंभीर जखमी केले होते. जखमी महिलेस तात्काळ ग्रामीण रुग्णालय, बार्शी येथे पाठविण्यात आले, मात्र उपचारापूर्वीच तिचा मृत्यू झाला. आरोपीने हत्येनंतर पळ काढला होता.घटनेची माहिती मिळताच सहाय्यक पोलीस निरीक्षक महेश माने यांनी तात्काळ हालचाल करत दोन पथके तयार केली व आरोपीचा माग काढण्यास सुरुवात केली. नुकतेच रुजू झालेल्या महेश माने यांनी अत्यंत कमी वेळात आरोपीस जेरबंद करण्याचे कौशल्य दाखवले. गुन्ह्यात वापरलेले हत्यार आरोपीने एका ठिकाणी लपवले होते, तेही जप्त करण्यात आले. फिंगरप्रिंट व डॉग स्क्वॉड पथकाच्या मदतीने वैज्ञानिक पद्धतीने तपास करण्यात आला. आरोपीविरोधात गु.र.नं. १५१/२०२६ — BNS कलम १०३ (१) अन्वये खुनाचा गुन्हा दाखल करण्यात आला असून पुढील तपास सहा. पो.नि. महेश माने हे करत आहेत.ही कारवाई मा. पोलीस अधीक्षक श्री. अतुल कुलकर्णी, अपर पोलीस अधीक्षक श्री. विजय कबाडे, सह पोलीस अधीक्षक श्रीमती. अंजना कृष्णा, पो.नि. संजय जगताप, पो.नि. बालाजी कुकडे, पो.नि. दत्तात्रय भालेराव यांच्या मार्गदर्शनाखाली पार पडली. पथकात उपनिरीक्षक बालाजी वळसने, पो.सई चंद्रकांत घोळवे, एएसआय सदाशिव गवळी तसेच पोहेकाँ/३७३ राजेंद्र मंगरूळे, पोहेकाँ/१७४७ धनराज केकाण, पोहेकाँ/१६३२ अभय उंदरे, पोहेकाँ/७५० सुभाष सुरवसे, महिला पोहेकाँ/४३२ स्वाती काटे, पोकाँ/३५८ बालाजी हांगे, पोकाँ/११३० लोंढे, पोहेकाँ/१७५ खांडेकर, पोहेकाँ/१५७५ दशरथ बोबडे, पोहेकाँ/१६४६ अमित घाडगे, पोकाँ/७४७ राहुल बांदर, पोकाँ/१२१९ नगानाथ आंधळे, पोकाँ/१०२७ सुरेश बिरकले, पोकाँ/१९९७ ओमप्रकाश दासरे, पोकाँ/१०९९ गोविंद बचुटे व पोकाँ/२४ शिवशंकर खराडे यांचा समावेश होता.

स्टार माझा न्यूज | संपादक: रियाज पठाण | संपर्क: 9405749898 / 9408749898