🔥 बार्शीत अवैध धंदेवाल्यांची झोप उडाली; API अक्षय सोनवणे ॲक्शन मोडमध्ये

अवैध धंदे करणाऱ्यांना जबर दणका; एकाच दिवसात जुगार अड्डा उद्ध्वस्त, दारू विक्रेत्यावरही कारवाई

स्टार माझा न्यूज | बार्शी | प्रतिनिधी

बार्शी तालुका पोलीस ठाण्याचे प्रभारी सहाय्यक पोलीस निरीक्षक (API) अक्षय सोनवणे यांनी अवैध धंद्यांविरोधात धडक मोहीम राबवत एकाच दिवसात जुगार अड्ड्यावर छापा टाकून तसेच अवैध दारू विक्री करणाऱ्यावर कारवाई करत मोठी कामगिरी केली आहे. या कारवाईत 8 आरोपींवर गुन्हे दाखल करण्यात आले असून तब्बल 3 लाख 68 हजार 300 रुपयांचा मुद्देमाल जप्त करण्यात आला आहे.

पोलीस ठाण्याच्या हद्दीतील अवैध धंद्यांचे समूळ उच्चाटन करण्याचा निर्धार करत API अक्षय सोनवणे यांनी कठोर भूमिका घेतली असून त्यांच्या नेतृत्वाखाली सातत्याने धडक कारवाया सुरू आहेत. या कारवाईमुळे अवैध धंदे करणाऱ्यांमध्ये मोठी खळबळ उडाली आहे.

जुगार अड्ड्यावर छापा; 7 जणांवर गुन्हा

बार्शी तालुका पोलीस ठाण्यात गुन्हा रजिस्टर क्रमांक 229/2026 अन्वये महाराष्ट्र जुगार प्रतिबंधक अधिनियम कलम 12(अ) अंतर्गत खालील आरोपींवर गुन्हा दाखल करण्यात आला आहे.

जावेद दिलावर शेख

सिद्धेश्वर पांडुरंग आगलावे

संभाजी हनुमंत आगलावे

शंकर विलास ननवरे

धनाजी साहेबराव आगलावे

गणेश चंद्रकांत आगलावे

भाऊ जगन्नाथ आगलावे

(सर्व रा. बावी, ता. बार्शी)

अवैध दारू विक्रेत्यावरही कारवाई

याच दिवशी गुन्हा रजिस्टर क्रमांक 230/2026 अन्वये महाराष्ट्र दारूबंदी कायदा कलम 65(ई) अंतर्गत चंद्रकांत बलभीम पिंगळे (रा. बार्शी) याच्यावर अवैध दारू विक्रीप्रकरणी गुन्हा दाखल करण्यात आला.

वरिष्ठांच्या मार्गदर्शनाखाली धडक मोहीम

ही कारवाई पोलीस अधीक्षक अतुल कुलकर्णी, अप्पर पोलीस अधीक्षक विजय कबाडे आणि उपविभागीय पोलीस अधिकारी सुहास जगताप यांच्या मार्गदर्शनाखाली पार पडली.

या कारवाईत API अक्षय सोनवणे यांच्यासह सदाशिव गवळी, अमित घाडगे, सोमनाथ खांडेकर, अमृत खेडकर, संदीप निचळ, सिद्धेश्वर लोंढे, युवराज गायकवाड, शिवशंकर खराडे, सागर वाकळे, अश्विनी साबळे आणि प्रीती आगलावे यांनी सहभाग घेतला.

अवैध धंद्यांविरोधातील API अक्षय सोनवणे यांच्या या धडक कारवाईमुळे बार्शी तालुक्यात अवैध व्यवसाय करणाऱ्यांचे धाबे दणाणले असून, पुढील काळातही अशाच कठोर कारवाया सुरू राहणार असल्याचे संकेत या मोहिमेतून मिळत आहेत.

स्टार माझा न्यूज

संपादक : रियाज पठाण

संपर्क : 9405749898 / 9408749898