🚩 पाच दिवसांत पालखी मार्ग तयार; नगराध्यक्ष जाकीर सौदागर यांच्या कामाचे सर्वत्र कौतुक.

स्टार माझा न्यूज

परंडा | प्रतिनिधी : गोरख देशमाने

दि. १७ जुलै २०२६

आषाढी एकादशी निमित्त मुंगी-पैठण येथून श्रीक्षेत्र पंढरपूरकडे जाणाऱ्या महाराष्ट्रातील मानाच्या संत एकनाथ महाराजांच्या पायी पालखी सोहळ्याचे परंडा शहरात शनिवार, दि. १८ जुलै रोजी सायंकाळी ६ वाजता आगमन होणार आहे. महाराष्ट्रातील तिसऱ्या मानाच्या या पालखी सोहळ्यासोबत हजारो वारकरी पायी चालत पंढरपूरकडे प्रस्थान करतात.

परंडा शहरातील खासापुरी रोड ते जय भवानी चौक हा पालखी मार्ग गेल्या वर्षभरापासून रखडलेल्या अवस्थेत होता. पालखी आगमनाची माहिती मिळताच नगराध्यक्ष जाकीरभाई सौदागर यांनी दि. ९ जुलै रोजी पालखीच्या नियोजनाची माहिती घेतली. त्यानंतर दि. १० जुलै रोजी प्रत्यक्ष पालखी मार्गाची पाहणी करून रस्त्याचे काम युद्धपातळीवर सुरू केले.

नगराध्यक्ष जाकीरभाई सौदागर यांनी स्वतः कामावर उपस्थित राहून दिवस-रात्र पाठपुरावा केला. अवघ्या पाच दिवसांत पालखी मार्गाचे काम पूर्ण करण्यात आले. त्यामुळे यंदा संत एकनाथ महाराजांच्या पालखीसह वारकऱ्यांना सुकर प्रवासाचा मार्ग उपलब्ध झाला आहे.

याच पालखी मार्गावरून आषाढी वारीसाठी चार प्रमुख पालख्या, १३ दिंड्या आणि लाखो वारकरी पंढरपूरकडे मार्गक्रमण करतात. वारकऱ्यांच्या पवित्र पदस्पर्शाने पावन झालेला हा मार्ग असल्याचे स्थानिक ज्येष्ठ नागरिक सांगतात.

वेळेत आणि दर्जेदार पद्धतीने पालखी मार्गाचे काम पूर्ण केल्याबद्दल नगराध्यक्ष जाकीरभाई सौदागर यांचे नागरिक, वारकरी आणि विविध स्तरातून कौतुक होत आहे.

— स्टार माझा न्यूज

संपादक : रियाज पठाण

संपर्क : 9405749898 / 9408749898