📚 गरजू विद्यार्थ्यांसाठी मदतीचा हात! माजी विद्यार्थ्यांकडून १५ हजार रुपयांची पाठ्यपुस्तके भेट.

शिक्षणासाठी सामाजिक बांधिलकीचा आदर्श उपक्रम; २० विद्यार्थ्यांच्या चेहऱ्यावर फुलले हास्य

स्टार माझा न्यूज, परंडा (प्रतिनिधी) गोरख देशमाने – दिनांक : २७ जून २०२६

✦ गरजू विद्यार्थ्यांना शैक्षणिक साहित्याची मदत

परंडा येथील जिल्हा परिषद प्रशाला व जिल्हा परिषद कन्या प्रशाला येथील आर्थिकदृष्ट्या दुर्बल अशा एकूण २० विद्यार्थ्यांना पुणे येथील अभियांत्रिकी महाविद्यालयाचे प्राध्यापक तथा प्रशालेचे माजी विद्यार्थी अविनाश वाघमारे यांनी सुमारे १५ हजार रुपये किमतीचे इयत्ता ९ वी व १० वीचे पाठ्यपुस्तक संच भेट देत शिक्षणासाठी मोलाचा हातभार लावला.

✦ ९ वी-१० वीच्या विद्यार्थ्यांसाठी ठरली मोठी मदत

शासनाकडून समग्र शिक्षा अभियानांतर्गत इयत्ता १ ली ते ८ वीपर्यंतच्या विद्यार्थ्यांना मोफत पाठ्यपुस्तके मिळतात. मात्र ९ वी व १० वीच्या विद्यार्थ्यांना स्वतः पुस्तके खरेदी करावी लागतात. अनेक गरजू विद्यार्थ्यांची ही अडचण लक्षात घेऊन प्रा. अविनाश वाघमारे यांनी हा उपक्रम राबविला.

✦ दरवर्षी समाजासाठी जपतात ऋणानुबंध

परंडा येथील रहिवासी व जिल्हा परिषद प्रशालेचे माजी विद्यार्थी असलेले प्रा. अविनाश वाघमारे हे दरवर्षी होतकरू व गरजू विद्यार्थ्यांना शैक्षणिक मदत करून सामाजिक बांधिलकी जपत आहेत. त्यांच्या या उपक्रमाचे विद्यार्थी, पालक, शिक्षक तसेच नागरिकांकडून कौतुक होत आहे.

✦ मान्यवरांची उपस्थिती

या कार्यक्रमाला शाळा व्यवस्थापन समितीचे उपाध्यक्ष फिरोज पठाण, माजी अध्यक्ष आलमगीर सय्यद, मुख्याध्यापक रामचंद्र इंगळे, दिनकर पवार, शशिकांत माने, नारायण शिंदे, सुभाष भालेराव, आप्पासाहेब बल्लाळ, बाबुधी घाडगे, शुभांगी देशमुख, मीनाक्षी मुंढे, रेखा उसराटे, गीतांजली मंडलिक यांच्यासह दोन्ही प्रशालांतील विद्यार्थी, शिक्षक व शिक्षकेतर कर्मचारी मोठ्या संख्येने उपस्थित होते.

✦ कार्यक्रमाचे सूत्रसंचालन

कार्यक्रमाचे प्रास्ताविक भाऊसाहेब सूर्यवंशी यांनी केले. सूत्रसंचालन तानाजी मिसाळ यांनी केले, तर आभार प्रदर्शन नामदेव पखाले यांनी केले. उपस्थितांनी वाघमारे कुटुंबाचे आभार मानत त्यांच्या या समाजोपयोगी कार्याचे मनापासून स्वागत केले.

बातम्या व जाहिरातीसाठी संपर्क: रियाज पठाण – 9405749898 / 9408749898