🚨 अवघ्या काही तासांत चिमुकलीचा शोध! बार्शी पोलिसांच्या तत्परतेने ४ वर्षीय रुद्राक्षा सुखरूप पालकांच्या स्वाधीन.

स्टार माझा न्यूज, बार्शी (प्रतिनिधी) – दिनांक : 17 जून 2026

▶️ घरातून कोणालाही न सांगता बाहेर पडली चिमुकली

बार्शी शहरातील मांगडे चाळ परिसरातील रुद्राक्षा बाबासाहेब मांगडे (वय ४ वर्षे) ही चिमुकली आज सकाळी सुमारे ७ वाजण्याच्या सुमारास घरातील कोणालाही न सांगता घराबाहेर पडली. बराच वेळ शोध घेऊनही ती आढळून न आल्याने कुटुंबीयांची चिंता वाढली.

▶️ वडिलांनी पोलीस ठाण्यात धाव घेतली

मुलगी बेपत्ता झाल्याचे लक्षात येताच तिचे वडील बाबासाहेब दगड्डु मांगडे यांनी तात्काळ बार्शी शहर पोलीस ठाणे गाठून घटनेची माहिती दिली आणि मुलीचा शोध घेण्याची विनंती केली.

▶️ पोलिसांची तातडीची शोधमोहीम

घटनेचे गांभीर्य ओळखून बार्शी शहर पोलिसांनी त्वरित शोधमोहीम सुरू केली. विविध भागात शोध घेत असताना सदर मुलगी टिळक चौक परिसरात सुखरूप अवस्थेत आढळून आली.

▶️ खेळणे घेण्यासाठी घराबाहेर पडल्याची माहिती

मुलीला पोलीस ठाण्यात आणल्यानंतर तिच्या आई-वडिलांच्या उपस्थितीत विचारपूस करण्यात आली. यावेळी तिने खेळणे घेण्यासाठी घरातून बाहेर पडल्याचे सांगितले.

▶️ पालकांनी मानले पोलिसांचे आभार

मुलगी सुरक्षित असल्याची खात्री करून पोलिसांनी तिला तिच्या आई-वडिलांच्या ताब्यात सुखरूप दिले. हरवलेली मुलगी अल्पावधीत सापडल्याने पालकांनी बार्शी शहर पोलिसांचे मनापासून आभार व्यक्त केले.

▶️ पोलिसांच्या तत्परतेचे कौतुक

ही यशस्वी कामगिरी पोलीस निरीक्षक बालाजी कुकडे यांच्या मार्गदर्शनाखाली पोना/७५९ संगप्पा मुळे, पो.कॉ./७४७ राहुल बोंदर व पो.कॉ./९४८ संतोष जाधवर यांनी पार पाडली. पोलिसांच्या सतर्कता आणि तत्परतेमुळे हरवलेली चिमुकली सुरक्षितपणे कुटुंबीयांपर्यंत पोहोचली.

बातम्या व जाहिरातीसाठी संपर्क: रियाज पठाण – 9405749898 / 9408749898