स्टार माझा न्यूज :- परंडा डॉ शहाजी चंदनशिवे
प्रतिनिधी
परांडा दि. 4 जानेवारी 2022 येथील शिक्षण महर्षी गुरुवर्य रा गे शिंदे महाविद्यालयाची विद्यार्थिनी कु धनश्री परदेशी या विद्यार्थिनीने विभागामध्ये कुस्ती स्पर्धेत 57 किलो वजन गटात प्रथम क्रमांक पटकाविला तर मयुरी स्वामी या विद्यार्थिनीने बुद्धिबळ स्पर्धेत जिल्ह्यामध्ये प्रथम क्रमांक पटकाविला व विभागीय स्पर्धेसाठी निवड झाली आहे. मैदानी जिल्हास्तरीय स्पर्धेसाठी स्वाभिमान शिंदे भालाफेक, शिवतेज लिमकर भालाफेक, साहिल चांदणे 400 मीटर धावणे, सहदेव उन्हाळे 800 मीटर धावणे, अकीब तांबोळी 800 मीटर धावणे, अमर शेलार 400 मीटर धावणे, युवराज जाधव 100 मीटर व दोनशे मीटर धावणे, कुमारी मयुरी स्वामी भालाफेक व गोळा फेक या खेळाडूंची निवड करण्यात आली.4×400 रिले क्रीडा प्रकारात खालील विद्यार्थ्यांची जिल्हास्तरीय स्पर्धेसाठी निवड करण्यात आली. यामध्ये साहिल चांदणे, सहदेव उन्हाळे, अमर शेलार, अकिब तांबोळी व युवराज जाधव यांची निवड झाली आहे. या सर्व यशस्वी विद्यार्थ्यांचे महाविद्यालयाचे प्राचार्य डॉ सुनील जाधव यांच्या हस्ते शाल व श्रीफळ देऊन सत्कार करण्यात आला. या सर्व यशस्वी विद्यार्थ्यांना शारीरिक शिक्षण विभागाचे प्रा किरण देशमुख, प्रा डॉ कृष्णा परभने, प्रा दीपक ओव्हाळ यांचे मार्गदर्शन लाभले. या सत्कार समारंभ प्रसंगी महाविद्यालयातील पर्यवेक्षक प्रा दत्तात्रेय मांगले, महाविद्यालयाचे स्टाफ सेक्रेटरी डॉ शहाजी चंदनशिवे, आयक्यूएसी चेअरमन प्रा डॉ महेशकुमार माने, प्रा शंकर अंकुश, प्रा उत्तम कोकाटे, प्रा विलास गायकवाड, प्रा ज्योतिबा शिंदे, प्रा विजय जाधव, प्रा भाऊसाहेब माने आदी प्राध्यापक उपस्थित होते. या यशस्वी विद्यार्थ्यांचं परंडा शहरातून व तालुक्यातून कौतुक होत आहे.
www.starmazanews.com संपादक :- रियाज पठाण 9405749898/9408749898
Author: starmazanews
News analysts, reporters, and journalists keep the public updated about current events and noteworthy information.
