स्टार माझा न्यूज, परांडा (प्रतिनिधी) गोरख देशमाने – दिनांक : 7 मार्च 2026

विद्यार्थ्यांनी प्रयोग सादरीकरणातून दाखवली विज्ञानाची ताकद
परंडा येथील सरस्वती प्राथमिक शाळेत विज्ञान दिन मोठ्या उत्साहात साजरा करण्यात आला. शनिवार दि. 7 मार्च रोजी महान वैज्ञानिक C. V. Raman यांच्या जयंतीनिमित्त इयत्ता 6 वी व 7 वीच्या विद्यार्थ्यांनी विविध विज्ञान प्रयोगांचे सादरीकरण करून विज्ञान दिनाला वेगळीच रंगत आणली.

30 गटांचा प्रयोग प्रदर्शनात सहभाग
या विज्ञान प्रदर्शनात तब्बल 30 विद्यार्थी गटांनी सहभाग घेतला. विद्यार्थ्यांनी विविध वैज्ञानिक संकल्पना प्रयोगांच्या माध्यमातून मांडल्या. यामुळे उपस्थित पालक व शिक्षकांना विद्यार्थ्यांच्या कल्पकतेचा व अभ्यासाचा अनुभव घेता आला.

मान्यवरांच्या हस्ते कार्यक्रमाचे उद्घाटन
कार्यक्रमाचे उद्घाटन कल्याणसागर समूहाचे मार्गदर्शक विकास कुलकर्णी, संस्थेच्या सचिव पज्ञाताई कुलकर्णी, परंड्यातील नामवंत डॉक्टर डॉ. अमोल मुसळे, कल्याणसागर माध्यमिक विद्यालय डोमगावचे मुख्याध्यापक सुबोधसिंह ठाकूर तसेच सरस्वती प्राथमिक शाळेचे मुख्याध्यापक चंद्रकांत पवार यांच्या शुभहस्ते करण्यात आले.

विद्यार्थ्यांचे मनोगत आणि कार्यक्रम सादरीकरण
कार्यक्रमाचे सुत्रसंचालन विद्यार्थ्यांनी उत्साहात केले. शिवम गवारे व जान्हवी गवारे यांनी कार्यक्रमाचे सादरीकरण केले. तर सुरभी दीक्षित, कल्याणी गोफणे व हर्षदीप शिंदे यांनी विज्ञानाचे महत्त्व सांगणारे मनोगत व्यक्त केले.

विज्ञानाबद्दल आवड वाढविण्यासाठी शाळेचा पुढाकार
विद्यार्थ्यांना विज्ञानाची गोडी लागावी आणि प्रयोगातून शिकण्याची सवय लागावी यासाठी शाळेने मायक्रोस्कोप खरेदी केला आहे. त्यामुळे विद्यार्थ्यांना सूक्ष्म गोष्टींचे प्रत्यक्ष निरीक्षण करण्याची संधी मिळणार आहे.

शिक्षकांचे मार्गदर्शन आणि सहकार्य
या प्रयोग प्रदर्शनासाठी विद्यार्थ्यांना सौ. मेघा काशिद यांनी मार्गदर्शन केले. कार्यक्रम यशस्वी करण्यासाठी शाळेतील सर्व शिक्षकांनी मोलाचे सहकार्य केले. कार्यक्रमाला मोठ्या संख्येने पालक उपस्थित राहून विद्यार्थ्यांचे कौतुक केले.

बातम्या व जाहिरातीसाठी संपर्क: रियाज पठाण – 9405749898 / 9408749898