स्टार माझा न्यूज परांडा /प्रतिनिधी : गोरख देशमाने.
परंडा – प्रवाशी संघटनेच्या वतीने परंडा आगार प्रमुख संतोष कोष्टी यांची भेट घेऊन लांब पल्ल्याच्या बस सेवा नियमित चालू ठेवावी, अशी मागणी करण्यात आली. संघटनेच्या मते, नवीन पाच बसेस आगारास उपलब्ध झाल्यास प्रवाशांची गैरसोय टळेल.
प्रवाशांच्या सुविधा सुधारणेसाठी सूचना
संघटनेने महिला प्रवाशांना ५०% सवलत, दिव्यांग प्रवाशांसाठी आरक्षित सीट्स उपलब्ध करणे, तसेच वृद्ध प्रवाश्यांना थांब्यावर व्यवस्थित वागणूक मिळावी, यासाठी योग्य तो पाठपुरावा करण्याचे आवाहन केले. थांब्यांवरही बस थांबवण्यात येत नसल्यामुळे काही कर्मचाऱ्यांचा मनमानी कारभार थांबवावा, अशी सूचना देखील करण्यात आली.
सत्कार कार्यक्रम
आगार प्रमुख संतोष कोष्टी यांचा प्रवाशी संघटनेच्या वतीने सत्कार करण्यात आला. या वेळी संघटनेचे तालुका अध्यक्ष किरण शहा, ज्येष्ठ समाजसेवक व माजी नगरसेवक शब्बीर भाई पठाण, माजी नगरसेवक राहुल बनसोडे, जवाहर परांडकर, दिव्यांग संघटनेचे जिल्हा उपाध्यक्ष घनश्याम शिंदे, टाकळीचे सरपंच कृष्णा चौधरी, तसेच बस आगारातील कर्मचारी नागेश ओहाळ व सोन्या सोनवणे उपस्थित होते.
बातम्या व जाहिरातीसाठी संपर्क: संपादक रियाज पठाण – 9405749898 / 9408749898
Author: starmazanews
News analysts, reporters, and journalists keep the public updated about current events and noteworthy information.
