स्टार माझा न्यूज, परांडा (प्रतिनिधी) गोरख देशमाने– दिनांक : ०९ एप्रिल २०२६
सभागृहात एकमताची भूमिका
परंडा नगरपरिषद सभागृहात झालेल्या सर्वसाधारण सभेत जनशक्ती नगर शहर विकास आघाडीच्या नेतृत्वाखाली छत्रपती शिवाजी महाराजांचा आश्वारूढ पुतळा उभारण्यासाठी नगरपरिषदेकडून नाहरकत प्रमाणपत्र (NOC) देण्याचा ठराव बहुमताने मंजूर करण्यात आला.
हा निर्णय शहरातील सांस्कृतिक आणि ऐतिहासिक भावनेला नवी दिशा देणारा असल्याचे नगरसेवकांचे मत आहे.
ठराव सुचविणारे आणि अनुमोदक
या महत्त्वपूर्ण ठरावाचे सुचक समरजितसिंह सुजितसिंह ठाकूर (उपनगराध्यक्ष) असून ठरावास अनुमोदन डॉ. अब्बास मुजावर (नगरसेवक) यांनी दिले.
ठरावावर एकूण १३ नगरसेवकांच्या सह्या असून सर्वांनी यासाठी स्पष्टपणे पाठिंबा दर्शविला.
नगरसेवकांची एकजूट –
ठरावास सह्या करणारे नगरसेवक :
अनिल महादेव शिंदे, रत्नमाला राहुल बनसोडे, श्रीकृष्णकुमार विधाते, रुकसाना रहेमुतला पठाण, परवीन मन्नान बासले, मदनसिंह सुभाषसिंह सद्धीवाल, मदिनाबी खाजा पठाण, वैशाली सोमनाथ आलबते, रुखियाबी जकेरीचा दहेलुज, रमेशसिंह गोकुळ परदेशी, इस्माईल अ. सत्तार कुरेशी आणि एक सिकृत नगरसेवक.
ही यादी पाहता, विविध पॅनेल व विभागांतील नगरसेवकांनी एकत्र येत शिवचरित्राविषयीची भूमिका स्पष्टपणे मांडली, हे विशेष उल्लेखनीय ठरते
हा ठराव केवळ सांस्कृतिक भावना नाही तर राजकीय एकात्मतेचेही द्योतक असल्याचे जाणकारांचे म्हणणे आहे.
शहरातील शिवजयंती उत्सवांचे वाढते प्रमाण, छत्रपतींच्या प्रतिमेवरील लोकांचा अभिमान आणि शहराच्या मध्यवर्ती चौकाचे ऐतिहासिक महत्त्व या सर्वांचा विचार करता हा निर्णय आधीपासूनच चर्चेत होता.
या निर्णयामुळे :
शहराचे सांस्कृतिक व ऐतिहासिक मूल्य वाढण्याची शक्यता
व्यापारिक चौकात गती आणि पर्यटकांची वाढ
नवीन पुतळ्यामुळे चौकाचे सुशोभीकरण
राजकीय पक्षांत तात्पुरती का होईना, एकता दिसून येणे
असे परिणाम दिसण्याची शक्यता असल्याचे नगरपरिषद स्रोतांकडून सांगण्यात येते.
परवाना मिळाल्यानंतरचा पुढील टप्पा
नगरपरिषदेकडून नाहरकत प्रमाणपत्र मिळाल्यानंतर :
पुतळ्याची रचना, उंची आणि साहित्य निश्चित होईल
स्थापनास्थळी विकासकामे सुरू होतील
चौकाच्या सुशोभीकरणासाठी स्वतंत्र निधीची मागणी केली जाऊ शकते
शहरातील नागरिकांमध्ये या निर्णयाचे स्वागत करण्यात येत असून, परंडा शहराला नवा आकर्षणबिंदू मिळणार असल्याची भावना व्यक्त केली जात आहे.
बातम्या व जाहिरातीसाठी संपर्क:
संपादक रियाज पठाण – 9405749898 / 9408749898
Author: starmazanews
News analysts, reporters, and journalists keep the public updated about current events and noteworthy information.
