ताजा समाचार | महाराष्ट्र | राजनीति | संपाकीय | सोलापूर

🔥“सोलापुरात ‘राऊत पॅटर्न’ची सुनामी! बार्शी बनलं पॉवर सेंटर”

March 18, 2026
2:15 pm

starmazanews

स्टार माझा न्यूज, बार्शी (प्रतिनिधी) – दिनांक : 18 मार्च 2026

“बार्शी बनल पॉवर सेंटर! जिल्हा परिषद आता इथूनच चालणार”

👉 राजकारणात मोठा धक्का, बार्शीतूनच जिल्ह्याची सूत्रे
सोलापूर जिल्हा परिषद अध्यक्ष निवडीने यंदा जोरदार राजकीय धक्का दिला आहे. बार्शी तालुक्यातून थेट जिल्ह्याच्या सत्तेवर झेप घेत दीपक वैद्य अध्यक्ष झालेत. त्यामुळे आता जिल्हा परिषदेची सूत्रे बार्शीतून हलणार, अशी जोरदार चर्चा गावागावात रंगली आहे.
👉 राजेंद्र राऊत यांची ताकद पुन्हा सिद्ध
बार्शीचे माजी आमदार राजेंद्र राऊत यांनी पुन्हा एकदा आपला दम दाखवून दिलाय. पक्षात आपलं वजन किती आहे, हे त्यांनी या निवडीमधून दाखवून दिलं. “राऊत साहेब बोलले की काम होतं” अशी चर्चा कार्यकर्त्यांमध्ये जोरात ऐकायला मिळतेय.

👉 भाजपचा ‘धक्का तंत्र’ पुन्हा कामी
भाजपने नेहमीप्रमाणे यावेळीही ‘धक्का तंत्र’ वापरलं. मुख्यमंत्री देवेंद्र फडणवीस आणि पालकमंत्री जयकुमार गोरे यांच्या नेतृत्वाखाली बार्शीसारख्या तालुक्यातून अध्यक्ष देत सगळ्यांनाच आश्चर्याचा धक्का दिला. त्यामुळे जिल्ह्यातील सगळी राजकीय समीकरणेच बदलली आहेत.
👉 शेतातून थेट अध्यक्षपदावर!
दीपक वैद्य यांची कहाणी तर सगळ्यांसाठी प्रेरणादायी ठरली आहे. साध्या शेतकरी कुटुंबातून आलेले वैद्य हे निवडीच्या आदल्या दिवशीपर्यंत शेतात कडबा गोळा करत होते… आणि दुसऱ्याच दिवशी थेट जिल्हा परिषद अध्यक्ष बनले! “कार्यकर्त्याला संधी” या भाजपच्या धोरणाचं हे जिवंत उदाहरण मानलं जातंय.

👉 पराभवानंतरही राऊत थांबले नाहीत
विधानसभा निवडणुकीत पराभव झाला, तरीही राजेंद्र राऊत मागे हटले नाहीत. उलट त्यांनी पुन्हा जोरात मैदानात उतरत नगरपरिषद, बाजार समिती, पंचायत समिती आणि जिल्हा परिषदेत आपली पकड मजबूत केली. त्यामुळेच आज हा मोठा विजय शक्य झाल्याचं बोललं जातंय.
👉 बार्शीत जल्लोष, कार्यकर्त्यांचा उत्साह
या निर्णयानंतर बार्शीत सणासारखं वातावरण निर्माण झालं. राऊत यांच्या कार्यालयासमोर कार्यकर्त्यांनी जल्लोष करत फटाके फोडले आणि एकमेकांना मिठ्या मारत आनंद साजरा केला. “बार्शीचा आवाज आता जिल्ह्यात घुमणार!” अशी भावना कार्यकर्त्यांनी व्यक्त केली.
👉 पुढचा टप्पा विधान परिषद?
या सगळ्या घडामोडीनंतर आता बार्शीला आणखी मोठी संधी मिळणार का? विशेषतः विधान परिषदेसाठी बार्शीचं नाव पुढे येणार का? याकडे सगळ्यांचं लक्ष लागलं आहे.

📞 बातम्या व जाहिरातीसाठी संपर्क: रियाज पठाण – 9405749898 / 9408749898