स्टार माझा न्यूज, धाराशिव (प्रतिनिधी) – दिनांक : १३ फेब्रुवारी २०२६

🗳️ महायुतीला कौल, पण स्पष्ट बहुमत कुणालाच नाही
धाराशिव जिल्हा परिषद निवडणुकीत मतदारांनी महायुतीवर विश्वास दाखवला खरा, पण एकाही पक्षाला स्पष्ट बहुमत दिलेलं नाही. त्यामुळे आता अध्यक्षपदासाठी जोरदार राजकीय रस्सीखेच सुरू झाली आहे. गावागावात चर्चा रंगली आहे की अखेर झेडपीची गादी कुणाकडे जाणार?
📊 ५५ जागांपैकी २८ चा जादुई आकडा महत्त्वाचा
धाराशिव जिल्हा परिषदेत एकूण ५५ जागा आहेत. सत्ता स्थापनेसाठी २८ हा ‘मॅजिक फिगर’ गाठणं गरजेचं आहे. निकालानंतर चित्र असं आहे –
भारतीय जनता पक्ष (भाजप) – १९ सदस्य
शिवसेना (शिंदे गट) – १५ सदस्य
राष्ट्रवादी काँग्रेस पार्टी (अजित पवार गट) – ६ सदस्य
हे तिन्ही महायुतीचे घटक एकत्र राहिले, तर सत्ता स्थापनेत कसलीच अडचण नाही. पण राजकारणात शेवटच्या क्षणी डाव उलटतो, हे सगळ्यांना ठाऊक आहे.
🎯 भाजपचा ‘प्लॅन बी’ तयार
भाजपने परिस्थितीचा अंदाज घेत आपला ‘प्लॅन बी’ तयार ठेवला आहे. जर शिंदे सेनेतील काही सदस्य वेगळा मार्ग धरून भाजपला वगळण्याचा प्रयत्न करत असतील, तर त्याला उत्तर म्हणून भाजपकडे पर्याय तयार आहे.
भाजपचे १९ सदस्य, १ पुरस्कृत अपक्ष, १ बंडखोर आणि राष्ट्रवादीचे ७ सदस्य अशी बेरीज केली, तर २८ चा आकडा सहज गाठता येतो. म्हणजेच भाजपने सगळे दरवाजे उघडे ठेवले आहेत.
🚌 सदस्य सहलीवर! फोडाफोडीला आळा घालण्याचा प्रयत्न
सत्तासंघर्ष तापलेला असतानाच भाजप आणि शिंदे गटातील काही सदस्यांना ‘सहलीवर’ पाठवण्यात आल्याची माहिती समोर आली आहे. सोमवारी रात्री उशिरा हे सर्व सदस्य सुरक्षित स्थळी पोहोचले आहेत. फोडाफोडी आणि संपर्क टाळण्यासाठी ही खबरदारी घेतल्याचं सांगितलं जात आहे.
ग्रामीण भागात याची जोरदार चर्चा सुरू असून, “आता खरी लढत गादीसाठीच आहे” असं मत व्यक्त होत आहे.
🤝 विरोधकांचाही डाव आखला जातोय
दुसरीकडे भाजपला सत्तेपासून दूर ठेवण्यासाठी विरोधकांनी हालचाली सुरू केल्या आहेत. शिंदे सेनेने पुढाकार घेतला, तर उद्धव गट, काँग्रेस आणि समाजवादी पक्ष यांच्या मदतीने २८ चा आकडा गाठण्याचा प्रयत्न होऊ शकतो.
मात्र सध्याच्या घडीला भाजपची फिल्डिंग पाहता त्यांचा ‘टांगा पलटी’ करणं विरोधकांसाठी सोपं दिसत नाही.
🔔 संपूर्ण जिल्ह्याचं लक्ष अध्यक्षपदावर
एकूणच पाहता, धाराशिव जिल्हा परिषदेत सत्तेसाठी चुरस कमालीची वाढली आहे. आता अध्यक्षपदाच्या खुर्चीवर कोणाची वर्णी लागते, याकडे संपूर्ण जिल्ह्याचं लक्ष लागलं आहे. पुढील काही दिवसांत राजकीय चित्र आणखी स्पष्ट होणार आहे.
📞 बातम्या व जाहिरातीसाठी संपर्क:
संपादक रियाज पठाण – 9405749898 / 9408749898

Author: starmazanews

News analysts, reporters, and journalists keep the public updated about current events and noteworthy information.