स्टार माझा न्यूज बार्शी प्रतिनिधी :- दिनांक 31 डिसेंबर महाराष्ट्र विद्यालय बार्शी येथे थोर गणितज्ञ श्रीनिवास रामानुजन यांचा जन्मदिवस म्हणजेच राष्ट्रीय गणित दिन मोठ्या उत्साहात संपन्न झाला.
याप्रसंगी प्रशालेच्या मुख्याध्यापिका के.डी.धावणे, उपमुख्याध्यापक आर. बी.सपताळे,पर्यवेक्षिका एन.बी.साठे यांच्या हस्ते श्रीनिवास रामानुजन यांच्या प्रतिमेचे पूजन करण्यात आले. राष्ट्रीय गणित दिनानिमित्त विद्यालयामध्ये गणित साहित्य प्रदर्शनाचे आयोजन करण्यात आले होते.इयत्ता पाचवी ते दहावीच्या सर्व विद्यार्थ्यांनी या प्रदर्शनामध्ये उत्स्फूर्त सहभाग नोंदविला.
प्रथम एस.एम.डिसले यांनी प्रास्ताविक करताना श्रीनिवास रामानुजन यांच्या गणितातील उल्लेखनीय योगदानाबद्दल अतिशय चांगल्या प्रकारे माहिती दिली.त्यानंतर गणित विभाग प्रमुख एस एस पवार यांनी प्रेरक गोष्टीच्या माध्यमातून अतिशय प्रभाविपणे आपले मनोगत व्यक्त केले व विद्यार्थ्यांना गणिताचे महत्त्व समजावे म्हणून एक स्वरचित कविता ऐकवली. याप्रसंगी इयत्ता सहावीतील श्रीधर काळे आणि ईश्वरी मोरे या विद्यार्थ्यांनी आपली मनोगते व्यक्त केली. विद्यालयाच्या मुख्याध्यापिका के.डी.धावणे यांनी अध्यक्षीय समारोप करताना म्हणाल्या विद्यार्थ्यांना गणित हा जीवनाचा अविभाज्य घटक आहे यासाठी गणिताचा पाया पक्का असणे अत्यंत आवश्यक आहे.
या कार्यक्रमासाठी एस.एस.पवार, ए. बी. देशमुख, एस. डब्ल्यू. करंजकर , एम.पी शिंदे,एस.एम.डिसले,ए.बी. नलगे,एस.सी गुंड ,एस.बी.शिंदे यांचे सहकार्य लाभले.कार्यक्रमाचे सूत्रसंचालन एस.ए.पांढरे यांनी केले तर आभार प्रदर्शन अतुल नलगे यांनी केले.
Author: starmazanews
News analysts, reporters, and journalists keep the public updated about current events and noteworthy information.
