उस्मानाबाद | ताजा समाचार | महाराष्ट्र | संपाकीय | सामाजिक | सांस्कृतिक

🕌 परंड्यात ७०६ व्या उरुसानिमित्त ऐतिहासिक संदल मिरवणूक

December 30, 2025
9:36 am

starmazanews

स्टार माझा न्यूज, परंडा (प्रतिनिधी) गोरख देशमाने– दिनांक : 29 डिसेंबर.

सर्वधर्मीय ऐक्याचे दर्शन; हजारो भाविकांची उपस्थिती

परंडा येथील सर्व धर्मीयांचे ग्रामदैवत हजरत ख्वाजा बद्रुद्दीन चिस्ती (रह.) यांच्या ७०६ व्या उरुसानिमित्त सोमवार, दिनांक २९ रोजी परंडा शहरात पारंपरिक व भक्तिभावाने भरलेली संदल मिरवणूक मोठ्या उत्साहात काढण्यात आली. या मिरवणुकीत सर्व धर्मीय समाजातील नागरिक मोठ्या संख्येने सहभागी झाले होते.

🌸 सकाळी कलश मिरवणुकीने उरुसास सुरुवात

भक्तीमय वातावरणात धार्मिक कार्यक्रम

उरुसाच्या कार्यक्रमांची सुरुवात सकाळी १० वाजता कलश मिरवणुकीने करण्यात आली. पारंपरिक पद्धतीने निघालेल्या या मिरवणुकीमुळे शहरात सकाळपासूनच धार्मिक व भक्तीमय वातावरण निर्माण झाले होते.

🐎 तहसील कार्यालयातून मानाच्या संदल मिरवणुकीचा प्रारंभ

नायब तहसीलदार विजय बाडकर यांच्या हस्ते मानाची चादर

सायंकाळी ६ वाजता तहसील कार्यालय, परंडा येथून संदल मिरवणुकीला अधिकृत सुरुवात झाली. यावेळी नायब तहसीलदार विजय बाडकर व विविध मान्यवरांच्या हस्ते मानाची फुलांची चादर डोक्यावर घेऊन परंपरेनुसार गणेशसिंह सद्धीवाल यांच्या मानाच्या घोड्यावर ठेवण्यात आली. त्यानंतर पारंपरिक पद्धतीने संदल मिरवणूक पुढे रवाना झाली.

👥 राजकीय, सामाजिक व धार्मिक मान्यवरांची उपस्थिती

विविध क्षेत्रातील मान्यवरांचा सहभाग

या भव्य मिरवणुकीत नायब तहसीलदार विजय बाडकर, नगराध्यक्ष जाहीर सौदागर, माजी जि.प. उपाध्यक्ष धनंजय सावंत, बाळासाहेब बडोगडीकर, नवनाथ जगताप, शिवसेना शिंदे गट जिल्हा प्रमुख दत्तात्रय साळुंखे, शिवसेना ठाकरे गट जिल्हा प्रमुख रंजीत पाटील, माजी नगराध्यक्ष मुकुल देशमुख, रिपाई प्रदेश सरचिटणीस संजय कुमार बनसोडे, उद्योजक काकासाहेब साळुंखे, तालुकाप्रमुख मेघराज पाटील, विश्वजीत पाटील, संजय महाराज पुजारी, ॲड. नुरुद्दीन चौधरी, ॲड. जाहीर चौधरी, जनार्दन मेहर, वाजिद दखणी, नगरसेवक मन्नान बासले, इस्माईल कुरेशी, रमेशसिंह परदेशी, समरजितसिंह ठाकूर, मदनसिंह सद्धीवाल, मतीन जिनेरी, सत्तार पठाण, डॉ. अब्बास मुजावर, रत्नकांत शिंदे, बाशा शहबर्फी वाले तसेच उरुस कमिटीचे अध्यक्ष अकील मुजावर, उपाध्यक्ष शारुख मुजावर, सचिव हाजी अब्दुल मुजावर, निसार मुजावर यांच्यासह विविध क्षेत्रातील मान्यवर मोठ्या संख्येने उपस्थित होते.

🚩 शहरातून मार्गक्रमण करत मजारीपर्यंत मिरवणूक

भाविकांची मोठी गर्दी

संदल मिरवणूक तहसील कार्यालय → आंबेडकर चौक → छत्रपती शिवाजी महाराज चौक → मुख्य बाजारपेठ या मार्गे मार्गक्रमण करत रात्री १० वाजता दर्ग्याच्या मजारीवर पोहोचली. शहरभर मिरवणूक पाहण्यासाठी भाविकांनी मोठी गर्दी केली होती.

🪜 मानाच्या घोड्याने ४० दगडी पायऱ्या धावत चढल्या

भाविकांसाठी अविस्मरणीय क्षण

मजारीजवळ पोहोचल्यानंतर परंपरेनुसार मानाच्या घोड्याने ४० दगडी पायऱ्या धावत चढून मुख्य मजारीसमोर दर्शन घेतले. हा क्षण पाहण्यासाठी भाविकांनी गर्दी केली होती व संपूर्ण परिसर ‘या बद्रुद्दीन बाबा की जय’च्या घोषणांनी दुमदुमून गेला.

🎆 फटाक्यांची आतषबाजी व प्रसाद वाटप

भक्तीमय वातावरणात उरुसाचा मुख्य सोहळा

धार्मिक पठणानंतर मानाची फुलांची चादर मजारीवर अर्पण करण्यात आली. त्यानंतर दर्गा परिसरात फटाक्यांची आतषबाजी करण्यात आली व भाविकांना प्रसादाचे वाटप करण्यात आले. संपूर्ण कार्यक्रम शांततेत व उत्साहात पार पडला.

बातम्या व जाहिरातीसाठी संपर्क :
संपादक रियाज पठाण – 9405749898 / 9408749898