स्टार माझा न्यूज, बार्शी (प्रतिनिधी) गोरख देशमाने – दिनांक : 23 नोव्हेंबर 2025

परंडा नगरपरिषद सार्वत्रिक निवडणूक 2025 मध्ये आज अर्ज माघारीचा शेवटचा दिवस शांततेत पार पडला. नगराध्यक्ष पदासाठी अपक्ष म्हणून उभ्या असलेल्या नसरीन बाशा शहाबर्फीवाले यांनी आपला उमेदवारी अर्ज माघार घेतल्याने आता नगराध्यक्ष पदावर दुरंगी लढत रंगणार आहे. शिवसेना शिंदे गटाचे माजी नगराध्यक्ष जाकीरभाई सौदागर आणि जनशक्ती परंडा शहर विकास आघाडीचे उमेदवार विश्वजीत ज्ञानेश्वर पाटील यांच्या मध्ये थेट मुकाबला होणार आहे. ही निवडणूक संपूर्ण धाराशिव जिल्ह्यात अत्यंत लक्षवेधी ठरणार आहे.

नगरसेवक पदांसाठी एकूण 42 उमेदवार रिंगणात असून प्रत्येक प्रभागात चुरशीची स्पर्धा पाहायला मिळत आहे.
प्रभाग 1 अ मध्ये बनसोडे सुवर्णा तानाजी (अपक्ष), बनसोडे मिनाक्षी लक्ष्मीकांत (अपक्ष), बनसोडे रत्नमाला राहुल (जनशक्ती शहर विकास आघाडी) आणि आदिका सुभाष पालके (शिवसेना शिंदे गट) यांच्यात मुकाबला तर प्रभाग 1 ब मध्ये विधाते श्रीकृष्ण कुमार (जनशक्ती शहर विकास आघाडी) व संजय विजय घाडगे (शिवसेना शिंदे गट) यांच्यात स्पर्धा आहे.

प्रभाग 2 अ मध्ये पठाण रुक्सानाबेगम रहिमतुल्ला (जनशक्ती) व फरजानाबी खाजा मुजावर (शिंदे गट), प्रभाग 2 ब मध्ये कुरेशी इस्माईल अब्दुल सत्तार (जनशक्ती) व कुरेशी सरफराज महमद शरीफ (शिंदे गट) अशी थेट लढत आहे.

प्रभाग 3 अ मध्ये बासले परवीन मन्नान (जनशक्ती) व पठाण गुलणार शब्बीर खॉ (शिंदे गट), तर प्रभाग 3 ब मध्ये सद्धीवाल मदनसिंह सुभाषसिंह (जनशक्ती) व दीक्षित मदन मिलिंद (शिंदे गट) यांची स्पर्धा आहे.

प्रभाग 4 अ मध्ये पठाण मदीनाबी खाजा (जनशक्ती) व पठाण जैतुनबी गौसखाँ (शिंदे गट), तर प्रभाग 4 ब मध्ये ठाकूर समरजीतसिंह सुजितसिंह (जनशक्ती), कसबे नवनाथ एकनाथ (मनसे) आणि सौदागर आजीम जाकीर (शिंदे गट) अशी तिरंगी लढत आहे.

प्रभाग 5 अ मध्ये जाधव नंदा श्रीमंत (जनशक्ती) व तांबोळी शमीम रशिद (शिंदे गट), तर प्रभाग 5 ब मध्ये मुजावर रईसोद्दीन तमीजोदीन (जनशक्ती) व पठाण सत्तार गुलाबखाँ (शिंदे गट) यांची स्पर्धा आहे.

प्रभाग 6 अ मध्ये शिंदे जयंत श्रीरंग (शिंदे गट) व शिंदे अनिल महादेव (जनशक्ती), तर प्रभाग 6 ब मध्ये देखील दुरंगी लढत होण्याची शक्यता असून मतदारांचा कल मतदानाच्या दिवशीच स्पष्ट होणार आहे.

परंडा नगरपरिषद निवडणुकीत या वेळेस प्रभागनिहाय चुरस, स्थानिक मुद्दे, जातीय-सामाजिक समीकरणे आणि राजकीय गटबाजी यांचा परिणाम दिसून येणार आहे. जिल्ह्यातील सर्वाधिक चर्चेत असलेली ही निवडणूक कोणत्या दिशेने वळते याकडे संपूर्ण धाराशिव जिल्ह्याचे लक्ष लागले आहे.

बातम्या व जाहिरातीसाठी संपर्क: रियाज पठाण – 9405749898 / 9408749898

Author: starmazanews

News analysts, reporters, and journalists keep the public updated about current events and noteworthy information.