स्टार माझा न्यूज, बार्शी (प्रतिनिधी) – दिनांक : 20 नोव्हेंबर 2025
बार्शी : बार्शी नगरपरिषद निवडणूक 2025 आता चुरशीच्या टप्प्यात पोहोचली आहे. कारण—AIMIM पक्षाने बार्शीत प्रथमच नगराध्यक्ष पदासाठी उमेदवार दिला आहे. खाजाबी पठाण यांना अधिकृत उमेदवारी जाहीर होताच शहराच्या राजकीय वातावरणात अचानक चैतन्य निर्माण झाले आहे.
याच उमेदवाराच्या प्रचारासाठी AIMIM चे नेते, माजी खासदार आणि प्रदेशाध्यक्ष सय्यद इम्तियाज जलील हे बार्शीत भव्य जाहीरसभेला येत आहेत. त्यांच्या येण्याची घोषणा होताच शहरात मोठ्या प्रमाणात चर्चा सुरू झाली आहे. ही सभा AIMIM च्या संघटनशक्तीची चाचणी ठरणार असल्याचे राजकीय जाणकार सांगत आहेत.
जिल्हाध्यक्ष शौकत पठाण यांनी सांगितले की, “बार्शीच्या इतिहासात प्रथमच AIMIM कडून नगराध्यक्षपदासाठी उमेदवार उतरत आहे. आम्ही पूर्ण ताकदीनं ही निवडणूक लढवणार असून विजय नक्की आहे,” असा विश्वास त्यांनी व्यक्त केला.
AIMIMच्या या अनपेक्षित एन्ट्रीमुळे पारंपरिक पक्षांना नव्याने रणनीती आखावी लागत आहे. स्थानिक स्तरावर मतविभाजनाचीही चर्चा जोरात असून, ही लढत पूर्वीपेक्षा अधिक तापेल अशी चिन्हे दिसू लागली आहेत. शहरातील तरुण मतदार विशेषतः या सभेकडे लक्ष ठेवून आहेत.
बार्शीतील राजकीय घडामोडींमध्ये AIMIM ची एन्ट्री हा एक मोठा मोडबिंदू मानला जात असून, आगामी काही दिवसांत प्रचाराची रंगत अधिक वाढणार आहे.
बातम्या व जाहिरातीसाठी संपर्क: संपादक रियाज पठाण – 9405749898 / 9408749898
Author: starmazanews
News analysts, reporters, and journalists keep the public updated about current events and noteworthy information.
