📍 मुंबई /स्टार माझा न्यूज प्रतिनिधी – दिनांक : १६ ऑक्टोबर २०२५
सोलापूरच्या राजकारणात आज एक मोठी हालचाल घडली! मुख्यमंत्री देवेंद्र फडणवीस यांच्या वर्षा निवासस्थानी झालेल्या चर्चेनंतर सोलापूर शहर व परिसरातील अनेक ज्येष्ठ पदाधिकारी, नगरसेवक, उपमहापौर आणि सभागृह नेत्यांनी भारतीय जनता पक्षात औपचारिक प्रवेश केला.
🏛️ कोण,कोण आले भाजपात?
या भव्य पक्षप्रवेश सोहळ्यात सोलापूरचे माजी उपमहापौर पद्माकर काळे, माजी उपमहापौर दिलीप कोल्हे, माजी सभागृह नेते सुरेश पाटील, बिज्जू प्रधाने, माजी नगरसेवक गुरुशांत धुत्तरगांवकर, सुभाष डांगे, माजी नगरसेविका मंदाकिनी तोडकरी, मारुती तोडकरी, माजी नगरसेविका कल्पना क्षीरसागर, नागनाथ क्षीरसागर, सुनील भोसले, बिपीन पाटील, मदन क्षीरसागर, रवी काळे, मेघराज कल्याणकर, बाळासाहेब तांबे, सुरेश तोडकरी यांच्यासह शेकडो कार्यकर्त्यांनी भाजपचा झेंडा हातात घेतला.
✨ नेतृत्वाचे मार्गदर्शन आणि स्वागत
या वेळी भा.ज.पा. महाराष्ट्र प्रदेशाध्यक्ष रवींद्र चव्हाण यांच्या उपस्थितीत सर्व नव्याने सामील झालेल्या कार्यकर्त्यांचे पक्षात हार्दिक स्वागत करण्यात आले.
कार्यक्रमाला माढा लोकसभा मतदारसंघाचे खासदार रणजितसिंह नाईक-निंबाळकर, आमदार सचिन कल्याणशेट्टी, आमदार देवेंद्र कोठे, दक्षिण सोलापूरचे आमदार दिलीप माने, मोहोळचे माजी आमदार राजन पाटील, माजी आमदार यशवंत माने, माढ्याचे आमदार बबनराव शिंदे यांचे चिरंजीव रणजितसिंह शिंदे, शहराध्यक्षा रोहिणी तडवळकर आणि महिला आघाडीच्या अध्यक्षा रंजीता चाकोते यांच्यासह भाजपचे अनेक नेते उपस्थित होते.
📈 राजकीय समीकरणांमध्ये उलथापालथ!
या पक्षप्रवेशामुळे सोलापूरच्या राजकारणात नवा उत्साह आणि नव्या समीकरणांची शक्यता निर्माण झाली आहे.
राजकारणातील अनुभवी चेहरे भाजपात आल्यामुळे स्थानिक संघटना मजबूत होणार असून, आगामी निवडणुकीत भाजपचा पायाभूत आधार अधिक भक्कम होईल, असा राजकीय तज्ज्ञांचा अंदाज आहे.
🚩 विकास आणि कार्यसंघटनाचा नवा अध्याय!
नव्या नेत्यांच्या प्रवेशामुळे सोलापूर शहर आणि ग्रामीण भागात भाजपचे जनाधार आणखी वाढण्याची चिन्हे दिसत आहेत.
स्थानिक विकास, रस्ते, स्वच्छता, पाणी आणि रोजगार यांसारख्या मुद्द्यांवर नव्या कार्यकर्त्यांची बांधिलकी महत्त्वाची ठरणार आहे.
🌟 राजकारणात नवा जोश, नव्या आशा!
भाजपच्या तंबूत आज उत्साहाचा माहोल होता — नव्याने आलेल्या नेत्यांनी पक्षाच्या नेतृत्वावर विश्वास व्यक्त केला असून, “विकास आणि स्थैर्यासाठी भाजपच हाच पर्याय!” असा नारा दिला.
📞 बातम्या व जाहिरातीसाठी संपर्क:
संपादक रियाज पठाण – 9405749898 / 9408749898
Author: starmazanews
News analysts, reporters, and journalists keep the public updated about current events and noteworthy information.
