परंडा प्रतिनिधी गोरख देशमाने.
परंडा… शहर व तालुक्यासह संपूर्ण धाराशिव जिल्ह्यामध्ये प्रचंड प्रमाणात पावसाने हाहाकार माजविला आहे . अतिवृष्टी मुळे परंडा भूम वाशी मतदारसंघासह जिल्ह्यातील शेतकऱ्याचे प्रचंड प्रमाणामध्ये नुकसान झाले आहे .याच पावसामुळे परंडा शहरातील कुटुंबाच्या घरांची पडझड झाली असल्याची माहिती माजी आमदार राहुल भैया मोटे यांना राष्ट्रवादी काँग्रेस पक्षाचे माजी नगरसेवक राहुल बनसोडे यांनी दूरध्वनीवरून दिली. यावरून माजी आमदार राहुल भैया मोटे यांनी तात्काळ परंडा तहसीलदार यांना शहरातील व तालुक्यांतील घरांच्या पडझडीचे पंचनामे तात्काळ करण्यासंबंधी सूचना केली ,
यावरून माजी नगरसेवक राहुल बनसोडे यांनी परंडा शहरातील निजामपुरा, मंडई भीम नगर ,मदारी वस्ती आदी भागातील घरांच्या पडझडीचे पंचनामे परांडा मंडळाचे तलाठी बी.आर.डावकारे व प्रताप गोफणे यांना घेऊन व जागेवर जाऊन स्थळ पंचनामे करून घेतले. घरांची पडझड झाल्यामुळे घरातील संसार उपायोगी साहित्याचे मोठ्याप्रमाणात नुकसान झाले आहे, या मुळे संसार उघड्यावर पडण्याची शक्यता आहे..
अशां कुटुंबांना तात्काळ शासनाकडून मदत मिळाली पाहिजे अशी मागणी राहुल बनसोडे यांनी केली आहे..
स्टार माझा न्यूज संपादक :- रियाज पठाण 9405749898 /9408749898
Author: starmazanews
News analysts, reporters, and journalists keep the public updated about current events and noteworthy information.
