परंडा प्रतिनिधी गोरख देशमाने .
परंडा (प्रतिनिधी) : परंडा येथील कै. महारुद्र बप्पा मोटे माध्यमिक व उच्च माध्यमिक विद्यालयातील ज्येष्ठ शिक्षक शफील पटेल सरांचा सेवानिवृत्तीचा कार्यक्रम सुजय मंगल कार्यालय परंडा येथे मोठ्या उत्साहात संपन्न झाला.
अध्यक्ष व प्रमुख पाहुण्यांची उपस्थिती
या कार्यक्रमाचे अध्यक्षस्थान माजी नगराध्यक्ष जाकीरभाई सौदागर यांनी भूषवले होते. प्रमुख पाहुणे म्हणून बार्शी येथील सेवानिवृत्त प्राध्यापक डॉ. विभुते सर, माजी नगराध्यक्ष सुभाषसिंह सद्दिवाल, नवनाथ जगताप, प्राचार्य डॉ. अब्दुल शेख, मकसुद इनामदार, सोलापूर रिपब्लिकन पार्टीचे प्रदेश सरचिटणीस संजयकुमार बनसोडे, परंडा कृषी उत्पन्न बाजार समितीचे सभापती जयकुमार जैन, उपसभापती डॉ. रवींद्र जगताप, सामाजिक न्याय विभाग जिल्हाध्यक्ष राहुल बनसोडे आदी मान्यवर उपस्थित होते.
भावनिक क्षण व गौरव
कार्यक्रमाचे प्रास्ताविक बाबुराव काळे सर यांनी केले. त्यांनी पटेल सरांनी तब्बल ३३ वर्षे प्रामाणिकपणे सेवा बजावली असल्याचे सांगत त्यांच्याबद्दल कृतज्ञता व्यक्त केली.
प्रा. झोंबाडे सर यांनी सहकारी शिक्षक म्हणून त्यांची कार्यतत्परता अधोरेखित केली.
शिवाजी महाविद्यालय बार्शीचे प्राचार्य डॉ. अब्दुल शेख यांनी लहानपणापासूनची मैत्री आठवून पटेल सरांना पुढील आयुष्यासाठी शुभेच्छा दिल्या.
स्वत:च्या मनोगतात शफील पटेल सर भावूक होत म्हणाले, “नोकरी करताना नेहमी प्रामाणिक राहिलो, शाळेच्या हिताचे काम केले. कुटुंबाकडे कमी लक्ष दिले पण शाळेला नेहमी प्राधान्य दिले. आज सहकारी मित्रांना सोडून जाताना खूप वाईट वाटते.”
कार्यक्रमाच्या शेवटी प्रा. विभुते सर यांनी शिक्षक हा समाजातील आधारस्तंभ कसा असतो यावर प्रकाश टाकत पटेल सरांच्या सेवेला मोठे महत्व असल्याचे अधोरेखित केले
.
मान्यवर व उपस्थिती
या कार्यक्रमाला शाळेचे मुख्याध्यापक हनुमंत यादव, सर्व शिक्षक, कर्मचारी, विद्यार्थी, तसेच परंडा येथील माजी नगराध्यक्ष नशीर शहाबर्फीवले, शहराध्यक्ष श्रीहरी नाईकवाडी, माजी नगरसेवक सुबोधसिंह ठाकूर, वाजीद दखनी, संचालक बापू मिस्कीन, मलिक सय्यद, गोविंद जाधव, मजीद पटेल, चत्रगुन जाधव, मारुती मासाळ, विश्वास माने, प्रकाश जाधव यांच्यासह तालुक्यातील विविध शाळांचे मुख्याध्यापक व शिक्षक, शिक्षक सहकारी पतसंस्थेचे चेअरमन व संचालक मंडळ, अनेक माजी विद्यार्थी, कुटुंबीय आणि गावकरी मोठ्या संख्येने उपस्थित होते
कार्यक्रमाचे संचालन व आभार
कार्यक्रमाचे सूत्रसंचालन बाबुराव काळे सर आणि शरद झोंबाडे सर यांनी केले तर आभार प्रदर्शन जहांगीर पटेल सर यांनी मानले.
बातम्या व जाहिरातीसाठी संपर्क : संपादक रियाज पठाण – 9405749898 / 9408749898
Author: starmazanews
News analysts, reporters, and journalists keep the public updated about current events and noteworthy information.
