विद्यानगर येथे योगशिक्षक दिलीप पोळ यांच्या निवासस्थानी धार्मिक सोहळा.

परंडा, ता.२१ (प्रतिनिधी गोरख देशमाने)
श्रावणमासानिमित्त विविध धार्मिक कार्यक्रमाचे आयोजन करण्यात येत असताना परंडा शहरातील विद्यानगर येथे आर्ट ऑफ लिव्हिंगचे योगशिक्षक दिलीप पोळ यांच्या निवासस्थानी रुद्रपूजेचे आयोजन करण्यात आले. गुरुवार, ता.२१ रोजी पंडीत स्वामी कल्याण आनंद (जगन्नाथ पुरी) यांनी शास्त्रोक्त पद्धतीने पूजा केली व उपस्थित भाविकांना सामाजिक व धार्मिक संदेश दिला. या कार्यक्रमाला भाविकांची मोठी गर्दी झाली होती.


रुद्रपूजेचे विशेष महत्त्व

आर्ट ऑफ लिव्हिंगतर्फे श्रावण महिन्यात संपूर्ण भारतभर रुद्रपूजेचे आयोजन केले जाते. संस्थेचे स्वामी व पंडितजी गावोगावी प्रवास करून शास्त्रोक्त पद्धतीने ही पूजा संपन्न करतात. साध्या भाषेत भक्तांना अध्यात्म, भक्ति व जीवनमूल्यांचा संदेश दिला जातो.

रुद्रपूजा ही भगवान शिवाच्या आराधनेतील सर्वात पवित्र व प्रभावी पूजा मानली जाते. यामुळे जीवनातील दुःख, अडथळे व नकारात्मक शक्ती दूर होतात, आरोग्य उत्तम राहते, मन:शांती लाभते व आत्मविश्वास वृद्धिंगत होतो. रुद्राभिषेकाने घरात सुख-शांती, ऐश्वर्य व समाधान टिकून राहते तसेच पितृदोष, ग्रहदोष, वाईट स्वप्ने व अचानक संकटे टळतात. श्रद्धेने ही पूजा करणाऱ्याच्या आयुष्यात समृद्धी व आध्यात्मिक प्रगती घडते, असे स्वामी कल्याण आनंद यांनी सांगितले.


मान्यवरांची उपस्थिती व महाप्रसाद

या रुद्रपूजेचे आयोजन योगशिक्षक दिलीप पोळ यांनी केले होते. पूजनानंतर सर्व भाविकांना महाप्रसादाचे वाटप करण्यात आले. कार्यक्रमास किशोर काळे, अशोक गोडगे, सुशांत पोळ, रामदास ठोंगे, प्रकाश काशीद, राजाभाऊ लोखंडे, भाऊसाहेब साबळे, श्रीराम टेकाळे, ⁠राजेंद्र चौधरी, अतुल मारकड, अतुल गोरे, सचिन डुकरे, दादा गुडे आदींसह विविध क्षेत्रातील मान्यवर व महिला मोठ्या संख्येने उपस्थित होत्या.


👉 बातम्या व जाहिरातीसाठी संपर्क: संपादक रियाज पठाण – 9405749898 / 9408749898

Author: starmazanews

News analysts, reporters, and journalists keep the public updated about current events and noteworthy information.