📍 बार्शी प्रतिनिधी | स्टार माझा न्यूज
भाजपचे आमदार बबनराव लोणीकर यांनी केलेल्या एका वक्तव्यानंतर राज्यात चर्चेचा भडका उडाला आहे. एका सार्वजनिक व्यासपीठावर त्यांनी केलेले विधान सोशल मीडियावर व्हायरल झाले असून, त्यामध्ये त्यांनी म्हणाले की,
“तुझ्या बापाला पेरणीचे पैसे पंतप्रधान मोदींनी दिलेत. तुझ्या आईला, बहिणीला व बायकोला लाडकी बहिण योजनेच्या माध्यमातून आम्ही पैसे देतो. तुमच्या अंगावरचे कपडे, बूट व चपला आम्हीच दिल्यात.”
या वादग्रस्त वक्तव्यामुळे सोशल मीडियावर संतप्त प्रतिक्रिया उमटू लागल्या आहेत. अनेकांनी हा वक्तव्य अवमानकारक आणि अहंकारी असल्याची टीका केली आहे.
🔸 सामाजिक माध्यमांवर जोरदार टीका
Being Marathi या पेजवरून पोस्ट करण्यात आलेल्या फोटोमुळे लोणीकर यांच्या विधानावर टीका सुरू झाली आहे. अनेकांनी त्यांच्या भाषेला “गरीबांची अवहेलना करणारी” व “राजकीय गर्वाचा प्रत्यय” देणारी म्हटले आहे.
🔸 विरोधकांचा हल्लाबोल
विरोधकांनीही या विधानाचा आधार घेत भाजपवर हल्ला चढवला आहे. “सत्तेचा माज अशा भाषेतून दिसून येतो”, अशी टीका काही नेत्यांनी केली आहे.
🔸 स्पष्टीकरणाची अपेक्षा
दरम्यान, बबनराव लोणीकरांनी यावर कोणतेही स्पष्टीकरण दिलेले नाही. मात्र, विरोधक आणि जनतेकडून त्यांच्याकडून माफीची मागणी होत आहे.
📞 बातम्या व जाहिरातीसाठी संपर्क:
संपादक रियाज पठाण – 9405749898 / 9408749898
Author: starmazanews
News analysts, reporters, and journalists keep the public updated about current events and noteworthy information.
