विद्यार्थ्यांचे औक्षण, पुष्पवृष्टी व शिक्षणाविषयी प्रेरणादायी मार्गदर्शनाने कार्यक्रमात भर.
शाळेच्या नव्या वर्षाची आनंददायी सुरुवात.
पुणे, ता. १६ जून (स्टार माझा न्यूज) – “चला, शाळेत जाऊ या!” या महाराष्ट्र शासन शिक्षण विभागाच्या उपक्रमांतर्गत मॉडर्न प्राथमिक विद्यामंदिर येथे नवागत विद्यार्थ्यांसाठी भव्य स्वागतोत्सव आणि पाठ्यपुस्तक वितरण सोहळा मोठ्या उत्साहात पार पडला.
मान्यवरांची उपस्थिती व विद्यार्थ्यांचे स्वागत
या सोहळ्यास प्रमुख पाहुणे म्हणून दैनिक लोकमतचे पत्रकार रामहरी केदारी उपस्थित होते. त्यांच्यासोबत शालेय व्यवस्थापन समितीच्या उपाध्यक्षा सुप्रिया पवार, पालक संघाच्या उपाध्यक्षा शारदा हागे, माता पालक संघाच्या उपाध्यक्षा पूनम वाघ, प्रमुख पालक सदस्य आणि शाळेचे मुख्याध्यापक पांडुरंग मराडे यांच्यासह अनेक मान्यवर उपस्थित होते.
मोफत पाठ्यपुस्तकांचे वितरण
शासनाच्या आदेशानुसार विद्यार्थ्यांना पहिल्याच दिवशी मोफत शालेय पाठ्यपुस्तकांचे वितरण करण्यात आले. या वितरणाचा शुभारंभ उपस्थित मान्यवरांच्या हस्ते करण्यात आला.
औक्षण, पुष्पवृष्टी व भेटवस्तू
इयत्ता पहिली ते चौथीच्या विद्यार्थ्यांचे पारंपरिक सनईच्या गजरात व ढोल-ताशाच्या जल्लोषात औक्षण करण्यात आले. यानंतर गुलाबपुष्प, पेन्सिल, शार्पनर, खोडरबर आणि बिस्किटे विद्यार्थ्यांना भेटवस्तूपर दिल्या गेल्या.
मार्गदर्शन व मनोरंजन
कार्यक्रमाचे सुंदर सूत्रसंचालन कैलास माळी यांनी केले. शाळेचे मुख्याध्यापक पांडुरंग मराडे यांनी आपल्या प्रास्ताविकात शिस्तीचे महत्त्व सांगितले. प्रमुख पाहुणे रामहरी केदारी यांनी “मोबाईल – मित्र की शत्रू?” या विषयावर विद्यार्थ्यांशी संवाद साधत, मोबाईलचा वापर मर्यादित ठेवण्याचे आवाहन केले.
सांस्कृतिक सादरीकरण आणि शुभेच्छा
ज्येष्ठ शिक्षिका सुजाता कुलकर्णी यांनी “गप्पा गोष्टी करूया” हे मनोरंजनात्मक गाणे सादर करून विद्यार्थ्यांचे मन जिंकले. संस्थेचे कार्याध्यक्ष गजानन एकबोटे, शाळा समितीचे अध्यक्ष मानसिंग साळुंके व व्हिजिटर प्रमोद शिंदे यांनी विद्यार्थ्यांना नवीन शैक्षणिक वर्षाच्या हार्दिक शुभेच्छा दिल्या.
बातम्या व जाहिरातीसाठी संपर्क:
संपादक रियाज पठाण – 9405749898 / 9408749898
Author: starmazanews
News analysts, reporters, and journalists keep the public updated about current events and noteworthy information.
