परंडा प्रतिनिधी – गोरख देशमाने.
सेवानिवृत्तीचा गौरव
परंडा येथील जिल्हा परिषद कन्या प्रशाला येथे कार्यरत असलेले श्री. चंद्रकांत विठ्ठल सुरवसे (परिचर) यांचा सेवानिवृत्तीपूर्व सन्मान सोहळा मोठ्या उत्साहात पार पडला. जिल्हा परिषद कन्या प्रशाला, जिल्हा परिषद प्रशाला, जिल्हा परिषद उर्दू प्राथमिक शाळा आणि जिल्हा परिषद उर्दू हायस्कूल यांच्या संयुक्त विद्यमाने त्यांचा गौरव करण्यात आला.
कार्यक्रमाची प्रमुख उपस्थिती
कार्यक्रमाचे अध्यक्षस्थानी मुख्याध्यापक श्री. दिनकर पवार होते. प्रमुख पाहुणे म्हणून श्री. रामचंद्र इंगळे (मुख्याध्यापक, जिल्हा परिषद प्रशाला) व यास्मीन सय्यद (मुख्याध्यापक, उर्दू शाळा) उपस्थित होत्या.
सेवेचा गौरवशाली प्रवास
श्री. चंद्रकांत सुरवसे यांनी २५ जानेवारी १९८४ पासून भारतीय लष्करात सेवा बजावली. ३१ जुलै २००४ रोजी लष्करी सेवेतून ते निवृत्त झाले. त्यानंतर ३ मे २००८ पासून ते जिल्हा परिषदेच्या शाळांमध्ये कार्यरत आहेत. येत्या ३१ मे २०२५ रोजी ते शिक्षण सेवेतून सेवानिवृत्त होणार आहेत. प्रामाणिकपणा आणि निष्ठा हे त्यांच्या सेवेचे वैशिष्ट्य मानले जाते.
कुटुंबीय आणि सहकाऱ्यांची उपस्थिती
या कार्यक्रमाला श्री. सुरवसे यांची पत्नी उषा सुरवसे, मुली श्रद्धा व प्रियांका, मुलगा श्री. धीरज सुरवसे, सून मधुरा सुरवसे यांच्यासह त्यांच्या परिवारातील सदस्य मोठ्या संख्येने उपस्थित होते.
शाळेतील सहकारी आणि परिसरातील नागरिक, पालक व विद्यार्थिनींनी मोठ्या संख्येने सहभाग घेतला. यावेळी सहकाऱ्यांनी भावनिक शब्दांत श्री. सुरवसे यांच्या सेवेचा गौरव केला.
बातम्या व जाहिरातीसाठी संपर्क:
संपादक रियाज पठाण – 9405749898 / 9408749898
Author: starmazanews
News analysts, reporters, and journalists keep the public updated about current events and noteworthy information.
