परंडा (प्रतिनिधी गोरख देशमाने) .– परंडा शहर व परिसरातील श्रद्धावान भक्तांसाठी एक अत्यंत भक्तिपर पर्व येत्या रविवारी (ता. २० एप्रिल २०२५) पार पडणार आहे. श्री बनशंकरी देवीच्या नवीन मूर्तीची प्राणप्रतिष्ठापना सोहळा या दिवशी सकाळी १० वाजता पार पडणार आहे.
या धार्मिक कार्यक्रमाच्या पूर्वसंध्येला, शनिवार (ता. १९ एप्रिल २०२५) रोजी सायंकाळी ४ वाजता देवीची भव्य व दिव्य शोभायात्रा परंडा शहरात काढण्यात येणार आहे. शोभायात्रेमध्ये भाविक भक्तांनी मोठ्या संख्येने सहभागी व्हावे, असे आवाहन आयोजकांकडून करण्यात आले आहे.
तसेच प्राणप्रतिष्ठा सोहळ्यानंतर रविवार दिनांक २० एप्रिल रोजी दुपारी १२ वाजल्यापासून महाप्रसादाचेही आयोजन करण्यात आले आहे. सर्व भक्तगणांनी या महाप्रसादाचा लाभ घ्यावा, असे आवाहन श्री बनशंकरी देवी मंदिर ट्रस्ट, परंडा यांच्या वतीने करण्यात आले आहे.
भाविक भक्तांनी आपल्या उपस्थितीने कार्यक्रमाची शोभा वाढवावी, असे आवाहन ट्रस्टच्यावतीने करण्यात आले असून, हा धार्मिक सोहळा अत्यंत भक्तिभावाने साजरा होणार असल्याचे आयोजकांनी सांगितले आहे.
– रियाज पठाण, संपादक
स्टार माझा न्यूज,
मो. 9405749898 / 9408749898
Author: starmazanews
News analysts, reporters, and journalists keep the public updated about current events and noteworthy information.
