स्टार माझा न्यूज, पुणे प्रतिनिधी – नामदेव मेहेर.
बुधवार, दिनांक 9 एप्रिल 2025 रोजी मॉडर्न प्राथमिक विद्या मंदिरात वार्षिक कला व क्रीडा पारितोषिक वितरण समारंभ मोठ्या उत्साहात संपन्न झाला. या कार्यक्रमासाठी प्रमुख पाहुणे म्हणून सावित्रीबाई फुले पुणे विद्यापीठाचे सिनेट सदस्य माननीय श्री. गणपत पोपट नांगरे सर उपस्थित होते.
कार्यक्रमाच्या अध्यक्षस्थानी शाळा समितीचे अध्यक्ष माननीय श्री. मानसिंग साळुंके सर होते. या प्रसंगी प्रमुख्याध्यापक माननीय श्री. प्रमोद शिंदे सर, पालक शिक्षक संघाच्या उपाध्यक्षा माननीय सौ. शारदा हागे मॅडम, माता पालक संघ उपाध्यक्षा माननीय सौ. पुनम वाघ, तसेच प्रशालेचे मुख्याध्यापक माननीय श्री. पांडुरंग मराडे सर यांची उपस्थिती लाभली.
इयत्ता पहिली ते चौथीच्या एकूण 150 विद्यार्थ्यांना पारितोषिकांचे वितरण करण्यात आले. संस्थांतर्गत घेतलेल्या गुरुवर्य शंकरराव कानिटकर क्रीडा महोत्सवातील विजेत्यांना आणि वर्षभरात विविध सांस्कृतिक व क्रीडा स्पर्धांमध्ये यश संपादन करणाऱ्या विद्यार्थ्यांचाही गौरव करण्यात आला.
माता पालकांसाठी आयोजित स्पर्धांमध्ये यश मिळवलेल्या पालकांचाही विशेष सन्मान करण्यात आला. प्रमुख पाहुणे श्री. नांगरे यांनी आपल्या भाषणातून “कोणत्याही स्पर्धेत यश मिळवण्यासाठी सातत्य आवश्यक आहे. मुलांच्या हाती मोबाईल देण्यापेक्षा त्यांना मैदानी खेळांकडे वळवावे,” असा मौल्यवान संदेश दिला.
याप्रसंगी इयत्ता तिसरी ‘पवना’ गटाने वर्षभर राबवलेल्या नाविन्यपूर्ण उपक्रमांवर आधारित उपक्रम पुस्तिकेचे प्रकाशन मान्यवरांच्या हस्ते करण्यात आले.
कार्यक्रमाचे सूत्रसंचालन श्री. माळी कैलास सरांनी केले. प्रास्ताविक मुख्याध्यापक श्री. पांडुरंग मराडे सर यांनी, पाहुण्यांचा परिचय व सत्कार श्रीमती माया सूर्यवंशी यांनी केला. पारितोषिक यादीचे वाचन श्री. किरण वारके व सौ. वैशाली ढाकणे यांनी केले. आभार प्रदर्शन सौ. रेखा गोतारणे यांनी केले. कार्यक्रमाचे संपूर्ण संयोजन श्री. कांबळे नरेश व सौ. सुजाता कुलकर्णी यांनी केले.
या कार्यक्रमाला पालकवर्ग मोठ्या संख्येने उपस्थित होता आणि विद्यार्थ्यांच्या यशाचे कौतुक केले.
संपादक: रियाज पठाण
संपर्क: 9405749898 / 9408749898
“स्टार माझा न्यूज”, बार्शी, जिल्हा सोलापूर
Author: starmazanews
News analysts, reporters, and journalists keep the public updated about current events and noteworthy information.
