स्टार माझा न्यूज धाराशिव (प्रतिनिधी) – तुळजापूर येथील गाजत असलेल्या ड्रग्स प्रकरणात आता गंभीर वळण आलं असून, तपासादरम्यान पुजाऱ्यांचाही सहभाग निष्पन्न झाल्याने राज्यभर खळबळ उडाली आहे. आत्तापर्यंत या प्रकरणात एकूण ३५ आरोपी निष्पन्न झाले असून, तब्बल ८० जणांची सखोल चौकशी करण्यात आली आहे.
पोलीस तपासात ३५ पैकी १६ आरोपी हे ड्रग्स प्रकरणात थेट सहभागी असल्याचं स्पष्ट झालं आहे. या सर्वांवर गुन्हे दाखल करण्यात आले असून, त्यातील काही आरोपींनी महत्त्वाची माहिती उघड केली आहे. विशेष म्हणजे, या आरोपींमध्ये काही पुजाऱ्यांचाही समावेश असल्याचे समोर आल्याने धार्मिक वर्तुळात प्रचंड खळबळ माजली आहे.
मंदिर संस्थानांनी संबंधित पुजाऱ्यांवर कारवाई करण्याची भूमिका घेतली असली, तरी याला पुजारीवर्गाकडून विरोध दर्शवला जात आहे. मात्र, “पुजारी म्हणून नव्हे, तर गुन्हेगार म्हणून कारवाई केली जात आहे,” अशी स्पष्ट भूमिका पोलिसांनी घेतली आहे.
दरम्यान, या प्रकरणात आणखी काही नवीन आरोपींच्या अटकेची शक्यता वर्तवली जात असून, तपास अधिक व्यापक करण्यात आला आहे. तुळजापूरच्या या ड्रग्स प्रकरणाकडे आता संपूर्ण राज्याचे लक्ष लागले आहे.
– स्टार माझा न्यूज :-संपादक रियाज पठाण 9405749898 // 9408749898
Author: starmazanews
News analysts, reporters, and journalists keep the public updated about current events and noteworthy information.
