स्टार माझा न्यूज संपादक :- रियाज पठाण 9405749898 /9408749898
बार्शी : महाराष्ट्र राज्य परीक्षा परिषद, पुणे यांच्या वतीने २२ डिसेंबर २०२४ रोजी घेण्यात आलेल्या राष्ट्रीय आर्थिक दुर्बल घटकांसाठीची (एनएमएमएस) शिष्यवृत्ती परीक्षेमध्ये महाराष्ट्र विद्यालयाने घवघवीत यश संपादन केले आहे.
या परीक्षेमध्ये विद्यालयातील एकूण ७२ विद्यार्थी उत्तीर्ण झाले असून यामधून ५१ विद्यार्थ्यांना शिष्यवृत्तीचा लाभ मिळणार आहे. यामध्ये १२ विद्यार्थी एनएमएमएस शिष्यवृत्तीधारक ठरले असून ३९ विद्यार्थी सारथी शिष्यवृत्तीधारक झाले आहेत.
शिष्यवृत्तीचे वितरण पुढीलप्रमाणे:
१२ विद्यार्थ्यांना दरवर्षी रु. ४८००० प्रमाणे एकूण ५,७६,००० रुपये मिळणार आहेत.
३९ विद्यार्थ्यांना दरवर्षी रु. ३८४०० प्रमाणे एकूण १४,९७,६०० रुपये मिळणार आहेत.
एकूण मिळणाऱ्या शिष्यवृत्तीची रक्कम २०,७३,६०० रुपये इतकी आहे, जी विद्यार्थ्यांच्या शैक्षणिक प्रगतीसाठी अत्यंत उपयुक्त ठरणार आहे.
या घवघवीत यशामागे विद्यालयातील समर्पित मार्गदर्शक शिक्षक – सचिन देशमुख, सुरेश डिसले, संग्राम देशमुख आणि सुजीत लोखंडे यांचे मोलाचे योगदान लाभले.
यशस्वी विद्यार्थ्यांचे अभिनंदन करताना संस्थेचे अध्यक्ष डॉ. बी.वाय. यादव, उपाध्यक्ष एन.एन. जगदाळे, सचिव तथा शाळा समितीचे अध्यक्ष पी.टी. पाटील, सहसचिव ए.पी. देबडवार, खजिनदार जयकुमार शितोळे, शाळा व्यवस्थापन समिती सदस्य डॉ. मिराताई यादव, एस.बी. शेळवणे, सर्व कार्यकारिणी व संस्था सदस्य, विद्यालयाच्या प्राचार्या के.डी. धावणे, उपमुख्याध्यापक आर.बी. सपताळे, पर्यवेक्षक एस.सी. महामुनी, पर्यवेक्षिका एन.बी. साठे आणि सर्व शिक्षक व शिक्षकेतर कर्मचाऱ्यांनी विद्यार्थ्यांचे व शिक्षकांचे अभिनंदन केले.
या यशाने महाराष्ट्र विद्यालयाचे नाव उज्वल झाले असून इतर विद्यार्थ्यांसाठी प्रेरणास्थान ठरले आहे.
Author: starmazanews
News analysts, reporters, and journalists keep the public updated about current events and noteworthy information.
