स्टार माझा न्यूज संपादक :- रियाज पठाण 9405749898 /9408749898
बार्शी प्रतिनिधी, दि. २३ मार्च –
वर्तंमान स्थितीत बदलत्या जीवनशैलीमुळे अस्वस्थता , अस्थिरतेचा अनुभव अनेकांना येत आहे. आशा स्थितीत लेखक सचिन वायकुळे लिखित ‘तिमिर छेदताना ‘ हे पुस्तक मनाला उभारी देणारे नि निराशा दूर करणारे आहे, असे प्रतिपादन सेवानिवृत्त सहाय्यक पोलीस आयुक्त दीपक आर्वे यांनी केले.
कोल्हापूरस्थित अविष्कार फाऊंडेशन यांच्यावतीने येथील डॉ. निर्मलकुमार फडकुले सभागृहात बार्शीचे लेखक सचिन वायकुळे लिखित डॉ. सुनीलकुमार लवटे जीवन चित्र ‘तिमिर छेदताना ‘ या पुस्तकाचे प्रकाशन पार पडले, याप्रसंगी ते बोलत होते. अध्यक्षस्थानी प्राचार्य डॉ. अनिल देशमाने होते.
व्यासपीठावर अविष्कार फाऊंडेशन कोल्हापुरचे संस्थापक अध्यक्ष संजय पवार , लेखक वायकुळे , जब्बार शिकलगार , प्राचार्या डॉ. सुनिता केदार , लेखक वायकुळे यांचे वडील निवृत्त तहसीलदार मदनराव वायकुळे , आई विमल मदनराव वायकुळे, ऍड. शांताराम पाटील, दिपाली माने , पवन पवार, ए. बी. शेख, आदी उपस्थित होते.
अनाथपणा वाट्याला येऊनही स्वतःच्या आयुष्याचा कुंभार होत जीवनाकडे पाहणारे डॉ. लवटे हे निश्चितच सर्वांसाठी प्रेरक आहे.
तरुणांनी समस्यांमुळे निराश न होता , त्याला पाठ न दाखवता समर्थपणे वाटचाल करावी यासाठी आत्मविश्वास वाढविणारे हे पुस्तक आहे, असे लेखक वायकुळे म्हणाले.
प्रास्ताविकात संयोजक आविष्कार फाउंडेशन चे अध्यक्ष संजय पवार यांनी या पुस्तकातील अनेक संदर्भ देत कौतुक केले. यावेळी. डॉ.देशमाने यांनी मनोगत व्यक्त केले.
सूत्रसंचालन माधुरी सावंत यांनी केले. या कार्यक्रमासाठी विविध क्षेत्रातील मान्यवर उपस्थित होते.
यावेळी डॉ. निर्मलकुमार फडकुले सभागृहात बार्शीचे लेखक सचिन वायकुळे लिखित डॉ. सुनीलकुमार लवटे जीवन चित्र ‘तिमिर छेदताना ‘ या पुस्तकाचे प्रकाशन प्रसंगी माजी सहाय्यक पोलीस आयुक्त दीपक आर्वे. शेजारी आविष्कार फाउंडेशन चे संजय पवार, डॉ अनिल देशमाने , निवृत्त तहसीलदार मदनराव वायकुळे, लेखक सचिन वायकुळे सर आदी अन्यावर उपस्थित होते .

Author: starmazanews
News analysts, reporters, and journalists keep the public updated about current events and noteworthy information.