परंडा (स्टार माझा न्यूज प्रतिनिधी गोरख देशमाने) – परंडा तालुक्यातील सर्वात मोठी आणि शेतकऱ्यांसाठी आर्थिक आधार समजली जाणारी परंडा विविध कार्यकारी सोसायटी यंदा शिवसेना (उद्धव बाळासाहेब ठाकरे गट) कडे गेली आहे. या संस्थेच्या नूतन चेअरमनपदी लक्ष्मण गरड यांची निवड झाली आहे. लक्ष्मण गरड हे गेल्या १५ वर्षांपासून कैलासवासी ज्ञानेश्वर पाटील यांचे कट्टर समर्थक असून, शिवसेना जिल्हाप्रमुख रंजीत दादा पाटील यांचे विश्वासू सहकारी म्हणून ओळखले जातात.
आज दिनांक २२ मार्च रोजी विश्रामगृह येथे महाविकास आघाडी आणि राष्ट्रवादी काँग्रेस (शरद पवार गट) यांच्या वतीने लक्ष्मण गरड यांचा सत्कार करण्यात आला. या सोहळ्यास विविध पक्षांचे मान्यवर उपस्थित होते.
सत्कार समारंभास मान्यवरांची उपस्थिती
या कार्यक्रमास परंडा नगरीचे माजी नगराध्यक्ष आणि काँग्रेस (I) परंडा शहराध्यक्ष रमेशसिंह परदेशी, राष्ट्रवादी काँग्रेसचे अल्पसंख्याक जिल्हाध्यक्ष तसेच माजी नगराध्यक्ष नसिर शहा बर्फीवाले, राष्ट्रवादी काँग्रेस (शरद पवार गट) परंडा शहराध्यक्ष श्रीहरी नाईकवाडी, ओबीसी तालुका अध्यक्ष नंदू शिंदे, परंडा राष्ट्रवादी काँग्रेस (शरद पवार गट) मीडिया सेल शहराध्यक्ष तथा पत्रकार गोरख देशमाने आदी मान्यवर उपस्थित होते.
कार्यक्रमात लक्ष्मण गरड यांचा पुष्पगुच्छ आणि शाल श्रीफळ देऊन सन्मान करण्यात आला. यावेळी मान्यवरांनी परंडा विविध कार्यकारी सोसायटीच्या भविष्यातील वाटचालीसाठी शुभेच्छा दिल्या.
📌 स्टार माझा न्यूज
✍ संपादक – रियाज पठाण
📞 संपर्क – 9405749898 / 9408749898
Author: starmazanews
News analysts, reporters, and journalists keep the public updated about current events and noteworthy information.
