स्टार माझा न्यूज परांडा प्रतिनिधी गोरख देशमाने परंडा ,ता.२० (प्रतिनिधी) शहरात,सप्तरंगाची मुक्तपणे उधळन करीत, रंगपंचमीचा उत्सव बुधवार ता.१९ रोजी मोठ्या आनंदउत्साहात साजरा करण्यात आला.परंपरेनुसार येथील बालाजी मठातुन,टॕक्टर ट्राॕलीमध्ये रंगाचे भरलेले पिंप घेऊन,शहारात रंगाची उधळन करीत,होळीचे सवाद्य गाणे म्हणत,मिरवणुकीने प्रथेनुसार शहरातील मंगळवार पेठेत जावुन “रंगयुध्द”खेळण्यात आले.यावेळी शहरवासियांनी ,युवकांनी मोठी गर्दी केली होती.रंगाची उधळन करुन,शहरातील चौकाचौकात तरुणाईने जल्लोष साजरा केला.
शहरात,रंगपंचमीनिमित्त बुधवारी सकाळपासुन बच्चेकंपनीने रंगाची उधळन करीत गल्लोगल्ली मोठा आनंद घेतला.सवंगड्या मिञ-मैञिणींना रंगात भिजवताना लहान मुलांच्या चेहऱ्यावरुन उत्साह ओसंडुन वाहत होता.महिलावर्गांची रंग फेकण्यात आघाडी होती.चौकाचौकात रंग उधळीत तरुणाई दंग झाली होती.शहरात,होळी,रंगपंचमी सणाला विशेष महत्व आहे.येथील काळा मारुती मंदिरासमोर राजपुत व इतर समाजबांधव होळीगीते म्हणतात.रंगपंचमी निमित्त येथील राजापुरा गल्लीतील बालाजी मठातुन रंग ट्रालीसह दुपारी ४ वाजता ढोल,झाँज वाद्यासह मिरवणुकीला सुरुवात झाली.
शहरातील प्रमुख मार्गावरुन होळीचे स्वरचित ,ऐतिहासिक देवदेवतांचे,छञपती शिवाजी महारांज यशोगाथा,भगतसिंग, स्वातंञवीरांची यशोगाथा,सामाजीक,प्रबोधनपर सवाद्य होळीगीते म्हणत सांयकाळी ५.३० वाजता ,शहरातील मंगळवार पेठेत मिरवणुक पोहचली.या मिरवणुकीत तरुणाई,आबालवृध्द मोठ्या संख्येने सहभागी झाली होती.परंपरा व प्रथेनुसार मंगळवार पेठेत सुमारे तासभर “रंगयुध्द”खेळण्यात आले.यावेळी रंगाची मुक्तपणे उधळन करुन तरुणाईने जल्लोष साजरा केला.
रंगपंचमीनिमित्त,दुपारी १२ पासुनच मुख्य बाजारपेठेत शुकशुकाट होता. कुठेही अनुचित प्रकार घडु नये म्हणुन,शहरात पोलीस निरिक्षक दिलीपकुमार पारेकर यांच्या मार्गदर्शनाखाली ठिकठिकाणी पोलीस,होमगार्डचा बंदोबस्त तैनात करण्यात आला होता.रंगपंचमीचा सण शहरपरिसरात मोठ्या उत्साहात साजरा करण्यात आला.
स्टार माझा न्यूज संपादक :- रियाज पठाण 9405749898 /9408749898
Author: starmazanews
News analysts, reporters, and journalists keep the public updated about current events and noteworthy information.
