स्टार माझा न्यूज परांडा प्रतिनिधी गोरख देशमाने
परंडा (ता. १८) – स्वराज्याच्या स्थापनेसाठी झटलेल्या महापराक्रमी स्वराज्यसंकल्पक शहाजीराजे भोसले यांच्या ३३१व्या जयंतीनिमित्त व्हाईस ऑफ मीडिया पत्रकार संघटना व शिवप्रेमींकडून अभिवादन कार्यक्रम आयोजित करण्यात आला. हा कार्यक्रम परंड्याच्या ऐतिहासिक भुईकोट किल्ल्यावर मंगळवारी (ता. १८) पार पडला.
या वेळी शिवप्रेमींनी “शहाजीराजे भोसले की जय” आणि “जिजाऊ माँसाहेब की जय” अशा घोषणांनी किल्ला दणाणून सोडला. कार्यक्रमात व्हाईस ऑफ मीडियाचे जिल्हा उपाध्यक्ष प्रकाश काशीद, तालुका कार्याध्यक्ष प्रमोद वेदपाठक यांच्या हस्ते शहाजीराजे यांच्या प्रतिमेचे पूजन करण्यात आले.
परंडा किल्ल्याचा ऐतिहासिक महत्त्व
परंडा किल्ला पूर्वी निजामशाहीच्या ताब्यात होता. पुढे १६३० मध्ये आदिलशाहीने तो जिंकून घेतला. हा किल्ला मजबूत तटबंदी, २६ बुरुज आणि चारही बाजूंनी खंदकाने वेढलेला असल्याने त्याला अजिंक्य मानले जात होते.
शहाजीराजे भोसले काही काळ परंडा किल्ल्यात दरबारी होते. विशेष म्हणजे, त्यांचा आणि जिजाऊ माँसाहेबांचा साखरपुडा देखील याच किल्ल्यात झाल्याचे इतिहासकार सांगतात. त्यामुळे हा किल्ला ऐतिहासिकदृष्ट्या अत्यंत महत्त्वाचा मानला जातो.
शहाजीराजेंच्या कार्याचा जागर
अभिवादन कार्यक्रमात प्रकाश काशीद यांनी शहाजीराजेंच्या पराक्रमावर प्रकाश टाकला. कार्यक्रमाला व्हाईस ऑफ मीडियाचे तालुका सचिव तानाजी घोडके, विजय मेहेर, माजी नगरसेवक मकरंद जोशी, सुवर्णकार संघटनेचे मराठवाडा सचिव मनोज चिंतामणी, डॉ. शहाजी नलवडे, डॉ. गरड, उद्योजक विशाल काशीद, संतोष भालेकर, मकसुद पल्ला, रावसाहेब गायकवाड, उमेश यादव, सुनिल सल्ले, आकाश मारकड यांसह अनेक शिवप्रेमी उपस्थित होते.
स्टार माझा न्यूज संपादक :- रियाज पठाण 9405749898 /9408749898
Author: starmazanews
News analysts, reporters, and journalists keep the public updated about current events and noteworthy information.
