महिलांनी जिजाऊंच्या विचारांवर प्रेरणा घेऊन सक्षम होण्याचे आवाहन.
स्टार माझा न्यूज संपादक :- रियाज पठाण 9405749898 /9408749898
बार्शी (दि. 12 जानेवारी) — संभाजी ब्रिगेडच्या वतीने राष्ट्रमाता जिजाऊ जयंती उत्साहात साजरी करण्यात आली. शहरातील जिजाऊ चौकात आयोजित या कार्यक्रमाला स्थानिक तरुणांचा मोठ्या प्रमाणावर प्रतिसाद मिळाला. या प्रसंगी जिजाऊंच्या कार्याचा गौरव करण्यात आला आणि त्यांच्या विचारांवर पुढील पिढ्यांनी चालण्याचे आवाहन करण्यात आले.
संभाजी ब्रिगेडचे बार्शी तालुकाध्यक्ष आनंद काशीद यांनी या कार्यक्रमात मार्गदर्शन करताना महिलांनी जिजाऊंच्या विचारांवर प्रेरणा घेऊन समाजात आपली ओळख निर्माण करावी, असे आवाहन केले. “राष्ट्रमाता जिजाऊ यांनी शिवरायांसारख्या पराक्रमी योद्ध्याला घडवले. त्यांच्या विचारांचा आधार घेतल्यास संकटांवर मात करून महिलांनी निर्भय आणि सक्षम बनले पाहिजे. आजच्या महिलांनी शिक्षण, व्यवसाय, सामाजिक क्षेत्र आदी क्षेत्रांत पुढे येऊन आपला ठसा उमटवावा,” असे त्यांनी सांगितले.
या कार्यक्रमात विद्यार्थी सेनेचे अध्यक्ष पांडुरंग घोलप, विक्रम बापू घाईतिडक, रणजीत पाटील, मनोज शिंदे, गणेश भोसले, राजवीर काशीद, आणि रणवीर काशीद यांच्यासह अनेक तरुण उपस्थित होते.
कार्यक्रमादरम्यान जिजाऊंच्या जीवनकार्यावर चर्चा करण्यात आली. महिलांनी संकटांवर मात करण्यासाठी आत्मविश्वास आणि कणखरपणा ठेवण्याचे महत्त्व अधोरेखित करण्यात आले. तरुण पिढीने आपल्या जबाबदाऱ्या ओळखून समाजाच्या उन्नतीसाठी कार्य करावे, असा संदेश यावेळी देण्यात आला.
जिजाऊंच्या विचारांचे महत्त्व आजही अबाधित असून, त्या विचारांना पुढे नेण्यासाठी संभाजी ब्रिगेड कटिबद्ध असल्याचेही या प्रसंगी सांगण्यात आले.
Author: starmazanews
News analysts, reporters, and journalists keep the public updated about current events and noteworthy information.
