उस्मानाबाद | ताजा समाचार | महाराष्ट्र | शैक्षणिक

जिल्हा परिषद प्रशालेत सामान्य ज्ञान स्पर्धा उत्साहात संपन्न

January 4, 2025
9:16 am

starmazanews

स्टार माझा न्यूज परंडा प्रतिनिधी गोरख देशमाने. दिनांक 3 तालुक्यातील जिल्हा परिषद शाळांमधील विद्यार्थ्यांची सामान्य ज्ञान स्पर्धा 3 जानेवारी 2025 रोजी उत्साहात पार पडली. या स्पर्धेत 1 ली ते 10 वीच्या 295 विद्यार्थ्यांनी सहभाग घेतला होता. गटशिक्षणाधिकारी श्री. अर्जुन जाधव यांच्या हस्ते सावित्रीबाई फुले यांच्या प्रतिमेचे पूजन करून स्पर्धेचे उद्घाटन करण्यात आले.

कार्यक्रमास शिक्षण विस्तार अधिकारी श्री. अशोक खुळे, विस्तार अधिकारी श्री. दादासाहेब घोगरे, अंकुश डांगे, जिल्हा परिषद प्रशालेचे मुख्याध्यापक श्री. रामचंद्र इंगळे, जिल्हा परिषद कन्या प्रशालेचे मुख्याध्यापक श्री. दिनकर पवार, उर्दू प्रशालेचे मुख्याध्यापक अहेमद खतीब आणि उर्दू प्राथमिक शाळेच्या मुख्याध्यापिका श्रीमती यास्मीन सय्यद यांची उपस्थिती होती.

स्पर्धेचे आयोजन आणि व्यवस्थापन
स्पर्धा संयोजक श्री. शशिकांत माने यांच्या मार्गदर्शनाखाली स्पर्धेचे यशस्वी आयोजन करण्यात आले. परंडा केंद्र प्रमुख श्री. महादेव विटकर, श्रीमती मनोरमा जाधव, बाळासाहेब हजारे, बाळासाहेब घोगरे, युवराज खाडे, संतोष ओहाळ, आप्पासाहेब बल्लाळ ठोंगे आणि तालुक्यातील शाळांचे प्रतिनिधी शिक्षक उपस्थित होते.

स्पर्धेच्या यशस्वितेसाठी तंत्र सहाय्यक म्हणून श्री. भाऊसाहेब सुर्यवंशी, श्री. महेश शिंदे, श्री. प्रेमकुमार कांबळे, श्री. नितीन लोधवाल यांनी मोलाचे योगदान दिले. प्रश्नपत्रिका निर्मितीचे काम श्री. सतीश खरात, श्रीमती कुलसुम हुसेनी आणि श्री. नामदेव पखाले यांनी केले. पर्यवेक्षण आणि पेपर तपासणीची जबाबदारी श्री. नारायण शिंदे, आबासाहेब माळी, श्रीमती प्रीती वीर, श्रीमती संगीता शिंदे, तानाजी मिसाळ, श्रीमती बाबूधी घाडगे, श्रीमती शुभांगी देशमुख, कुलसुम हुसेनी, साबिया तांबोळी, श्रीमती चंद्रकांत सुरवसे यांनी पार पाडली.

स्पर्धेतील बक्षीस वितरण
दोन्ही गटांमधील विजेत्यांना खालीलप्रमाणे बक्षिसे देण्यात येणार आहेत:

प्रथम क्रमांक: ₹2001 आणि ट्रॉफी
द्वितीय क्रमांक: ₹1501 आणि ट्रॉफी
तृतीय क्रमांक: ₹1001 आणि ट्रॉफी
स्पर्धेनंतर सर्व उपस्थित विद्यार्थी आणि शिक्षकांसाठी श्री. शशिकांत माने यांच्या तर्फे स्नेहभोजनाचे आयोजन करण्यात आले. विजेत्यांना बक्षिसे देखील शशिकांत माने सर यांच्याच हस्ते देण्यात येणार आहेत.

कार्यक्रमात शशिकांत माने सरांचा वाढदिवसही साजरा करण्यात आला. त्यांचा सत्कार श्री. तानाजी मिसाळ यांच्या हस्ते करण्यात आला. सर्व उपस्थितांचे आभार श्री. तानाजी मिसाळ यांनी मानले.