स्टार माझा न्यूज संपादक :- रियाज पठाण 9405749898 /9408749898
बार्शी: विद्यार्थ्यांच्या यशाला सन्मान देण्याच्या अनोख्या परंपरेला फिनिक्स पोदार लर्न स्कूल, बार्शीने कायम राखले आहे. शाळेतील विद्यार्थी कोणत्याही क्लासेसमध्ये किंवा स्पर्धांमध्ये यश मिळवितो, तेव्हा त्याच्या यशाला अनोख्या पद्धतीने प्रोत्साहन दिले जाते.
याच परंपरेचा एक भाग म्हणून, बार्शीतील अथर्व अभिजीत शिंदे याने “जगताप अबॅकस लर्निंग” तर्फे आयोजित राज्यस्तरीय तृतीय पातळी अबॅकस स्पर्धेत प्रथम पारितोषिक मिळवून बार्शीचे नाव उंचावले आहे.
गुरुवार, 23 डिसेंबर 2024 रोजी जगताप लर्निंग क्लासेसमध्ये पारितोषिक वितरण सोहळ्याचे आयोजन करण्यात आले होते. या कार्यक्रमात अथर्वला प्रथम पारितोषिकाने गौरविण्यात आले. या सोहळ्याला बार्शीच्या कर्तव्यदक्ष पोलीस उपनिरीक्षक सिंधू देशमुख, जगताप क्लासेसचे संचालक प्रा. तानाजी गलांडे हे प्रमुख पाहुणे म्हणून उपस्थित होते.
या वेळी जगताप अबॅकस लर्निंगच्या संचालिका सौ. प्रणाली जगताप, सहशिक्षिका सौ. अमृता पवार, हनुमंत चव्हाण सर, माया सावंत मॅडम, प्रतिमा हावळे मॅडम, तानाजी अंकुशे सर यांचीही विशेष उपस्थिती होती.
जगताप क्लासेसमार्फत दरवर्षी राज्य, राष्ट्रीय आणि आंतरराष्ट्रीय स्तरावरील विविध प्रकारच्या स्पर्धा आयोजित केल्या जातात. या स्पर्धांमध्ये बार्शी आणि परिसरातील विद्यार्थी मोठ्या प्रमाणात सहभाग नोंदवितात.
अबॅकसच्या तृतीय पातळीच्या अवघड स्पर्धेत अथर्वने मिळवलेल्या या यशामुळे त्याचे सर्व स्तरांतून कौतुक होत आहे. फिनिक्स पोदार लर्न स्कूल, बार्शीच्या अनोख्या सन्मान परंपरेमुळे विद्यार्थ्यांना प्रोत्साहन मिळत असून, त्यांच्यात आत्मविश्वास वृद्धिंगत होत आहे.
बार्शीच्या शिरपेचात मानाचा तुरा रोवणाऱ्या अथर्व अभिजीत शिंदे याचे हार्दिक अभिनंदन!
Author: starmazanews
News analysts, reporters, and journalists keep the public updated about current events and noteworthy information.
