स्टार माझा न्यूज परंडा प्रतिनिधी गोरख देशमाने.
परांडा प्रतिनिधी दिनांक 13 डिसेंबर परंडा येथील क्रांती करिअर अकॅडमी (शिंदे महाविद्यालयाच्या पाठीमागे) मध्ये आयोजित करण्यात आलेल्या विशेष कार्यक्रमात अग्निवीर भरती प्रक्रियेत यशस्वी झालेले तीन विद्यार्थी – शिवतेज लिमकर, अनिकेत गुडे आणि ओमकार क्षीरसागर यांचा सन्मान करण्यात आला. त्यांनी यशस्वीरित्या अग्निवीर प्रशिक्षण पूर्ण केले आहे.
तसेच स्टाफ सिलेक्शन प्रक्रियेत निवड झालेली प्रतीक्षा जाधव हिचाही गौरव करण्यात आला. या विद्यार्थ्यांच्या यशामुळे संस्थेचा नावलौकिक वाढला असून, गावकऱ्यांमध्ये आनंदाचे वातावरण आहे.
या कार्यक्रमाला परंडा पोलीस ठाण्याचे पोलीस निरीक्षक मा. श्री. विनोद इज्जपवार, ह.भ.प. बालाजी महाराज बोराडे, नागनाथ कोकणे सर, विभूते सर यांसह यशस्वी विद्यार्थ्यांचे पालक आणि शिराळा गावातील ग्रामस्थ मोठ्या संख्येने उपस्थित होते.
कार्यक्रमाचे आयोजन क्रांती करिअर अकॅडमीचे संचालक प्रा. कोकणे सर आणि फिजिकल ट्रेनर दीपक सर यांनी केले. यावेळी विद्यार्थ्यांना पुढील वाटचालीसाठी शुभेच्छा देत उपस्थित मान्यवरांनी मार्गदर्शन केले.
विद्यार्थ्यांचे यश : प्रेरणादायी प्रवास
या विद्यार्थ्यांनी कठोर परिश्रम, मार्गदर्शकांचे योग्य प्रशिक्षण आणि पालकांच्या पाठिंब्यामुळे यश मिळवले. या गौरव सोहळ्यामुळे परिसरातील तरुणांमध्ये सरकारी नोकरीच्या संधींसाठी प्रेरणा निर्माण झाली आहे.
अशा कार्यक्रमांमुळे स्थानिक पातळीवर नवी ऊर्जा निर्माण होत असून, युवकांमध्ये पुढे जाण्याचा आत्मविश्वास वाढत आहे.
स्टार माझा न्यूज संपादक :- रियाज पठाण 9405749898 /9408749898
Author: starmazanews
News analysts, reporters, and journalists keep the public updated about current events and noteworthy information.
