स्टार माझा न्यूज परंडा (प्रतिनिधी) गोरख देशमाने
परांडा दिनांक 5 भारतीय जनता पक्षाच्या वतीने महाराष्ट्र विधानसभेच्या गटनेतेपदी माजी मुख्यमंत्री आणि कणखर नेतृत्व असलेल्या मा. देवेंद्र फडणवीस यांची निवड झाल्याबद्दल परंडा शहरात मोठा आनंदोत्सव साजरा करण्यात आला. छत्रपती शिवाजी महाराज चौकात फटाके फोडून व पेढे वाटून हा जल्लोष साजरा करण्यात आला.
या कार्यक्रमात भाजप पदाधिकाऱ्यांसह कार्यकर्त्यांनी मोठ्या संख्येने सहभाग घेतला होता. या वेळी कार्यक्रमाचे नेतृत्व बार कौन्सिलचे माजी अध्यक्ष आणि भाजप नेते ॲड. मिलींद पाटील यांनी केले. त्यांच्यासह प्रदेश कार्यकारिणी सदस्य ॲड. झहीर चौधरी, जिल्हा चिटणीस सुजित परदेशी, युवा मोर्चा चिटणीस रामकृष्ण घोडके, युवा मोर्चा तालुकाध्यक्ष अरविंद रगडे, शहराध्यक्ष उमाकांत गोरे, युवा मोर्चा शहराध्यक्ष अविनाश विधाते हे प्रमुखपणे उपस्थित होते.
कार्यक्रमाला तालुका उपाध्यक्ष बाबासाहेब जाधव, सरचिटणीस धनाजी गायकवाड, साहेबराव पाडुळे, तुकाराम हजारे, मिलींद शिंदे, धनंजय काळे, गौरव पाटील, सुरज काळे, आदर्श ठाकूर, अमर ठाकूर, सिध्दीक हन्नूरे, अजिम हन्नूरे, जयंत भातलवंडे, जयंत सायकर, जोतीराम गिरवले, किरण कवटे आदी कार्यकर्त्यांची उपस्थिती होती.
यावेळी उपस्थित कार्यकर्त्यांनी देवेंद्र फडणवीस यांच्या कणखर नेतृत्वाचे कौतुक करत आगामी काळात पक्ष मजबूत करण्यासाठी कटिबद्ध राहण्याचा निर्धार व्यक्त केला.
कार्यक्रमात शिवाजी महाराजांच्या पुतळ्याला पुष्पहार अर्पण करून सगळ्यांनी एकत्र प्रार्थना केली. यानंतर फटाके फोडत आणि गोडाधोड वाटप करत आनंद व्यक्त करण्यात आला. शहरातील विविध कार्यकर्त्यांच्या उत्साही सहभागामुळे या कार्यक्रमाला उत्साहपूर्ण वातावरण लाभले.
कार्यक्रमाचे आयोजन करण्यासाठी विशेषतः स्थानिक पातळीवरील युवा कार्यकर्त्यांची भूमिका महत्त्वाची होती. भाजपा कार्यकर्त्यांच्या एकजुटीचा आणि उत्साहाचा प्रत्यय या कार्यक्रमातून आला.
स्टार माझा न्यूज संपादक :- रियाज पठाण 9405749898 /9408749898
Author: starmazanews
News analysts, reporters, and journalists keep the public updated about current events and noteworthy information.
