पुणे प्रतिनिधी नामदेव मेहेर
पुणे:- दि ५ सप्टेंबर २०२३
शहीद जवान दिलीप बाळासाहेब ओझरकर यांच्या पार्थिवावर आज पुणे कॅन्टोन्मेंट स्मशानभूमी ( धोबीघाट) येथे शासकीय इतमामात अंत्यसंस्कार करण्यात आले.यावेळी भारतीय सैन्य दलाच्या जवानांच्या तुकडीने हवेत बंदुकीच्या फैरी झाडून तसेच अंतिम बिगुल वाजवून शहीद जवानास मानवंदना दिली.
यावेळी विभागीय आयुक्त सौरभ राव यांनी शहीद जवान दिलीप बाळासाहेब ओझरकर यांना पुष्पचक्र अर्पण करून मानवंदना दिली.शहीद दिलीप बाळासाहेब ओझरकर यांचे वडील बाळासाहेब ओझरकर आणि लहान मुलगा यांनी पार्थिवाला मुखअग्नी देऊन अंत्यसंस्कार केले. यावेळी आमदार रवींद्र धंगेकर, सुनील कांबळे, जिल्हाधिकारी डॉ. राजेश देशमुख,सैनिक कल्याण विभागाचे संचालक ब्रिगेडियर राजेश गायकवाड (नि.) उपसंचालक लेफ्टनंट कर्नल आर. आर. जाधव (नि.) , जिल्हा सैनिक कल्याण अधिकारी लेफ्टनंट कर्नल एस. डी. संगे (नि.),लष्कराचे विविध आजी, माजी अधिकारी, विविध अधिकारी आणि नागरिक उपस्थित होते.कारगिल येथे देशसेवा बजावत असतात ३ सप्टेंबर रोजी दिलीप ओझरकर शहीद झाले होते.
www.starmazanews.com स्टार माझा न्यूज संपादक :- रियाज पठाण 9405749898 / 9408749898
Author: starmazanews
News analysts, reporters, and journalists keep the public updated about current events and noteworthy information.
