www.starmazanews.com स्टार माझा न्यूज संपादक :- रियाज पठाण 9405749898 / 9408749898

बार्शी, प्रतिनिधी:-शनिवार दिनांक २२ जुलै २०२३ रोजी महाराष्ट्र विद्यालय बार्शी येथे पालक मेळावा संपन्न झाला.
या कार्यक्रमासाठी अध्यक्ष म्हणून श्रीमती वर्षा संजय शिंदे या होत्या तर कार्यक्रमाचे प्रमुख पाहुणे म्हणून संस्थेचे सचिव तथा शाळा समितीचे अध्यक्ष मा.श्री.पी.टी पाटील साहेब उपस्थित होते.
कार्यक्रमाचे प्रास्ताविक विद्यालयाच्या मुख्याध्यापिका श्रीमती के.डी.धावणे मॅडम यांनी केले. याप्रसंगी बोलताना त्यांनी विद्यालयात विद्यार्थ्यांसाठी सुरू असलेल्या विविध उपक्रमाची माहिती दिली.
यानंतर शिक्षिका प्रतिनिधी म्हणून श्रीमती एन.बी.साठे मॅडम यांनी आपले मनोगत व्यक्त केले.
या कार्यक्रमात पालकांनी आपले मनोगत व्यक्त केले. याप्रसंगी बोलताना पालकांनी संस्थेने व शाळेने सुरू केलेल्या विविध उपक्रमाचे कौतुक केले व काही सूचनाही केल्या.
त्यानंतर कार्यक्रमात पुढे संस्थेचे सचिव तथा शाळा समितीचे समितीचे अध्यक्ष आणि कार्यक्रमाचे प्रमुख पाहुणे मा.श्री. पी.टी.पाटील साहेब यांनी आपले मनोगत व्यक्त करताना विद्यार्थी हुशार होण्यापेक्षा शहाणा झाला पाहिजे,तरच तो समाजात देखील आपले स्थान निर्माण करु शकेल. आपल्या पाल्याच्या बौद्धिक व शारीरिक सर्वांगीण वाढीसाठी पालकांनी देखील वेळ दिला पाहिजे,तरच विद्यार्थ्यांचा सर्वांगीण विकास होईल असे सांगितले.
या कार्यक्रमासाठी संस्थेचे सदस्य व शाळा समितीचे सदस्य माननीय श्री.बी.के.भालके सर, विद्यालयाचे उपमुख्याध्यापक श्री.आर.बी. सपताळे सर,पर्यवेक्षक श्री. एस.सी.महामुनी सर,सर्व पालक, सर्व शिक्षक व शिक्षकेतर कर्मचारी उपस्थित होते.
या कार्यक्रमाचे सुत्रसंचालन श्री. आनंद कसबे सर यांनी केले तर आभार प्रदर्शन श्री.के.जी.मदने सर यांनी केले.

Author: starmazanews

News analysts, reporters, and journalists keep the public updated about current events and noteworthy information.