स्टार माझा न्यूज पुणे प्रतिनिधी नामदेव मेहेर.
पिंपरी चिंचवड:- किशोर आवारे यांच्या खुनाचा बदला घेण्याच्या तयारीत असणाऱ्या दोघांना अटक केली असून त्यांच्याकडून चार पिस्तूल जप्त केली आहेत.ही कारवाई पिंपरी चिंचवड दरोडा विरोधी पथकाने केली आहे. या कार्यवाहीत त्यांनी दोघांना चार पिस्तुलासह अटक केली आहे. पोलिसांनी वर्तवलेल्या अंदाजानुसार आरोपी हे तळेगाव येथील किशोर आवारे यांच्या कुणाचा बदल्याच्या तयारीत होते प्रमोद सोपान सांडभोर वय 33 राहणार हरेश्वर वाडी तळेगाव दाभाडे आणि शरद मुरलीधर साळवे वय वर्ष 30 राहणार धनगर बाबा मंदिराच्या मागे काळेवाडी अशी अटक करण्यात आलेल्या आरोपींची नावे आहेत. तर इतर तिघेजण अद्याप फरार आहेत. पोलिसांनी दिलेल्या माहितीनुसार पोलिसांना खबर मिळाली की संशयित काही जण कार मध्ये तळेगाव दाभाडे एसटी स्टँड परिसरात फिरत होते. याबाबत गुन्हे शाखेच्या दरोडा विरोधी पथकाने कारवाई करत प्रमोद सांडभोर आणि शरद साळवी याला अटक केली. पोलिसांनी कारची झडती घेतली असता त्यांना चार पिस्तूल आणि काडतुसे मिळून आली. पोलिसांनी केलेल्या अधिक चौकशीत आरोपी जनसेवा विकास समितीचे संस्थापक अध्यक्ष दिवंगत किशोर आवारे यांचे निकटवर्तीय असल्याचे समोर आले. यामुळे आरोपी आवारे यांच्या खुनाचा बदला घेण्यासाठी प्लॅन करीत असल्याचा अंदाज पोलीस व्यक्त करीत आहेत. ही कार्यवाही पोलीस निरीक्षक जितेंद्र कदम, सहाय्यक निरीक्षक अंबरीश देशमुख यांच्या पथकाने ही कामगिरी केली आहे दरम्यान मावळचे आमदार सुनील शेळके यांनी पोलीस आयुक्तालयात येऊन पोलीस आयुक्त विनयकुमार चौबे यांची भेट घेतली साऱ्या परिस्थितीला पिंपरी चिंचवड पोलीस कसे सामोरे जातात हे पाहणे महत्त्वाचे ठरेल.
www.starmazanews.com संपादक :- रियाज पठाण 9405749898 / 9408749898
Author: starmazanews
News analysts, reporters, and journalists keep the public updated about current events and noteworthy information.
