www.starmazanews.com संपादक :- रियाज पठाण 9405749898 / 9408749898
गुरुवार दिनांक १५ जून २०२३रोजी महाराष्ट्र विद्यालय बार्शी याठिकाणी इयत्ता ५ वी व इयत्ता ८ वी च्या वर्गात नविन प्रवेश घेतलेल्या सर्व विद्यार्थ्यांचे शाळेच्या वतीने बँड पथक वाजवून स्वागत करण्यात आले.
या कार्यक्रमाचे अध्यक्ष संस्थेचे सचिव मा.श्री.पी.टी. पाटील हे होते व प्रमुख पाहुणे म्हणून विद्यालयाचे माजी शिक्षक व लोकमतचे जेष्ठ पत्रकार मा.श्री. बी.के.गव्हाणे सर,श्री. शहाजी फुरडे व श्री.धीरज शेळके हे होते.
कार्यक्रमाचे प्रास्ताविक विद्यालयाच्या प्राचार्या श्रीमती के.डी.धावणे यांने केले.
त्यानंतर कार्यक्रमात सर्व मान्यवरांच्या हस्ते नवीन प्रवेश घेतलेल्या विद्यार्थ्यांना गुलाब पुष्प व पुस्तके देवून त्यांचे स्वागत करण्यात आले. तसेच प्रतिनिधिक स्वरूपात काही पालकांचेही देखील गुलाबपुष्प देऊन स्वागत करण्यात आले.
त्यानंतर संस्थेचे सचिव मा.श्री. पी.टी.पाटील यांनी आपले मनोगत व्यक्त करताना या शाळेतून शिकलेले विद्यार्थी आज खूप मोठ्या पदावर पर्यंत गेलेले आहेत, त्यांच्यासारखेच तुम्ही देखील मोठ्या पदावर जावं आणि संस्थेचे व शाळेचे नाव उज्वल करावे असे उपस्थित विद्यार्थ्यांना आवाहन केले.
या कार्यक्रम प्रसंगी विद्यालयाच्या प्राचार्या श्रीमती.के.डी. धावणे, उपमुख्याध्यापक श्री.आर. बी.सपताळे,प्रा.किरण गाढवे,प्रा.रमन गोणेकर,प्रा.संजय बागल,श्री.अनिल पाटील, सर्व शिक्षक व शिक्षकेतर कर्मचारी उपस्थित होते.
कार्यक्रमाचे सूत्रसंचालन श्री.आनंद कसबे यांनी केले,तर आभार प्रदर्शन प्रा. किरण गाढवे यांनी केले.
Author: starmazanews
News analysts, reporters, and journalists keep the public updated about current events and noteworthy information.
