स्टार माझा न्यूज :- पुणे प्रतिनिधी नामदेव मेहेर
पिंपरी-चिंचवड:- चिंचवड विधानसभेच्या पोटनिवडणुकीसाठी दाखल झालेल्या उमेदवारी अर्जांची छाननीत भाजपचे उमेदवार शंकर जगताप,आम आदमी पार्टीचे मनोहर पाटील, यांच्यासह 7जणांचे उमेदवारी अर्ज बाद झाले.तर 33 उमेदवारांचे अर्ज पात्र ठरले आहेत.अपक्ष उमेदवार राहुल कलाटे यांनी 3अर्ज भरले होते.त्यापैकि 2अर्ज पात्र झाले.तर 1अपात्र झाला . निवडणुकीसाठी 40उमेदवारांनी 53 अर्ज दाखल केले होते.यापैकी 33 उमेदवारांचे अर्ज पात्र ठरले तर,7उमेदवारांचे अर्ज बाद झाले आहेत.तर,53 अर्जांपैकी 40 अर्ज पात्र झाले असून 13 अर्ज अपात्र झाले आहेत.उमेदवारी अर्जांची आज बुधवारी छाननी प्रक्रिया पार पडली.निवडणूक निर्णय अधिकारी सचिन ढोले यांनी यावेळी पात्र ठरलेल्या अर्जांची घोषणा केली.निवडणूक निरीक्षक एस.सत्यनारायण आणि निवडणूक पोलीस निरीक्षक अनिल किशोर यादव यांच्या प्रमुख उपस्थितीत पार पडलेल्या या छाननी प्रक्रियेवेळी नामानिर्देशन पत्रे दाखल करणारे उमेदवार आणि त्यांचे प्रतिनिधी उपस्थित होते. भाजपचे अश्विनी जगताप, राष्ट्रवादी काँग्रेसचे नाना काटे,अपक्ष राहुल कलाटे, संभाजी ब्रिगेडचे प्रविण कदम, बहुजन भारत पार्टीचे तुषार लोंढे, महाराष्ट्र लोकहितवादी पार्टीचे प्रफुल्ला मोतिलिंग,आजाद समाज पार्टीचे मनोज खंडागळे, बहुजन भिम सेनेचे मोहन मस्के,तर अनिल सोनवणे, मिलिंद कांबळे,अजय लोंढे, रफिक कुरेशी, रवींद्र पारनेर, बालाजी जगताप, गोपाळ तंतरपाळे, अमोल सुर्यवंशी,सिध्दीक शेख, किशोर काशीकर, डॉ मिलिंदराजे भोसले,सोहलशहा शेख,हरिश मोरे,जावेद शेख, राजेंद्र काटे, श्रीधर साळवे,राजू काळे, दादाराव कांबळे, मनिषा कारंडे, चंद्रकांत मोटे, सुधीर जगताप, सतिश सोनवणे,भिऊ अडागळे, सुभाष बोधे असा 33 उमेदवारांचे अर्ज पात्र झाले आहेत.
www.starmazanews.com संपादक :- रियाज पठाण 9405749898 / 9408749898
Author: starmazanews
News analysts, reporters, and journalists keep the public updated about current events and noteworthy information.
