स्टार माझा न्यूज :- पुणे प्रतिनिधी नामदेव मेहेर
पिंपरी-चिंचवड:- शिवसेनेचे (ठाकरे गट) राहुल कलाटे यांनी चिंचवड विधानसभा पोटनिवडणुकीसाठी अपक्ष उमेदवारी थेरगाव येथील निवडणूक कार्यालयात भरला.यावेळी माजी नगरसेवक अमित गावडे.नवनाथ जगताप आणि कार्यकर्ते उपस्थित होते.माध्यमांशी संवाद साधताना राहुल कलाटे म्हणाले,२०१९ पासून चिंचवड विधानसभेत राष्ट्रवादी काँग्रेस चालत नाही.त्यामुळेच लक्ष्मण जगताप यांनी अपक्ष निवडणूक लढण्याचा निर्णय घेतला होता.मी सुद्धा मागील वेळेस अपक्ष निवडणूक लढवली होती.अजितदादांना आजपर्यंत पिंपरी-चिंचवड शहर कळले नाही.२०१९ च्या विधानसभा निवडणुकीत कोणीही लढायला तयार नव्हते.लोकसभेची लाट आल्यानंतर हे सगळे उमेदवार,जे आता तथाकथित पुढे आले ते सगळे घरी गेले होते.ज्यावेळी मी निवडणूक लढायची ठरवली, तेव्हा बाकीच्या पक्षांनी आणि संघटनांनी साथ दिली.एकंदरीत चिंचवडच्या जनतेचा मुड वेगळा आहे.२०१९ मधील विधानसभा निवडणूकीत सत्ताधाऱ्यांच्या विरोधात त्यांनी मला प्रेम दिलं १लाख बारा हजार मतं त्यांनी दिली होती.त्यांनी माझ्याकडे आश्र्वासक चेहरा म्हणून पाहिले.मतदारसंघाची जडणघडणही वेगळ्या पद्धतीची आहे.कॉस्मोपोलिटीन मतदार संघ आहे.जनतेच्या समस्या वेगळ्या आहेत. त्यामुळे मी सर्वांगीण विकास करु शकतो.शिवसेना गटनेता म्हणून काम करताना लोकांना न्याय देण्याचे काम केले.मी निवडणूक लढवणार आहे.असे कलाटे म्हणाले.
www.starmazanews.com संपादक :- रियाज पठाण 9405749898 / 9408749898
Author: starmazanews
News analysts, reporters, and journalists keep the public updated about current events and noteworthy information.
