स्टार माझा न्यूज प्रतिनिधी सोमनाथ गायकवाड
पुणे :-
घरात घुसून मारहाण केल्याची घटना घडल्याची दिसून येत आहे मात्र वर्चस्व अथवा आर्थिक फायद्यासाठी हे कृत्य केल्याचे दिसून येत नाही गुन्ह्यात मोका लागू होतो की नाही हे संशयास्पद असल्याचा निष्कर्ष मोकाचे विशेष न्यायाधीश एस. आर. नावंदर यांनी एका महिन्यात सहा जणांना जामीन मंजूर केला आहे..
शफिक हुसेन शेख, आकिब शफीक शेख, आदिल शफिक शेख ,(तिघेही रा कात्रज पुणे ) राजू सखाराम कांबळे, किरण सखाराम कांबळे ,अलीम उर्फ सोनू रफिक शेख (रा. कोंडवा) अशी जामीन झालेल्यांची नावे आहेत सर्वांनी ऍड. अफरोज शेख यांच्यामार्फत जामिनासाठी अर्ज केला होता, 1 जानेवारी 2022 रोजी ही घटना घडली होती,
अटक केलेल्या सर्वांना मोका लागू होत नाही, त्यांनी कोणताही गुन्हा केलेला नाही त्यांच्याकडून कोणतीही जप्ती झालेली नाही. वर्चस्व अथवा आर्थिक फायद्यासाठी हा गुन्हा झाल्याचे दिसून येत नाही असे बचाव पक्षातर्फे ऍड. अफरोज शेख यांनी न्यायालयाच्या निदर्शनास आणून दिले.
याबाबत 59 वर्षीय महिलेने भारती विद्यापीठ पोलिसात फिर्याद दिली होती. आठ जणांनी घरात घुसून घरातील व्यक्तीला मारहाण करून ,दोन हजार रुपयांची जबरी चोरी केल्याचे फिर्यादीत म्हटले होते, त्यानुसार पोलिसांनी दरोड्याचा गुन्हा दाखल केला, त्यामध्ये दहा दिवसात जामीन मिळाल्यानंतर मोका लावण्यात आला होता, आरोपींवर इतर गुन्हे दाखल आहेत मात्र ते सर्व गुन्हे सुटलेले आहेत , त्यामुळे त्यांच्यावर मोका लागू होत नसल्याचेही कोर्टाने म्हटले आहे.
स्टार माझा न्यूज संपादक:- रियाज पठाण 9405749898/9408749898

Author: starmazanews
News analysts, reporters, and journalists keep the public updated about current events and noteworthy information.