स्टार माझा न्यूजच्या बातमीचा परिणाम धूळखात पडलेला नवीन पाणी फिल्टर कार्यान्वित; नागरिक आणि कर्मचारी वर्गाने मानले मनापासून आभार.
परांडा (प्रतिनिधी) – तहानलेल्या जीवांचा आक्रोश स्टार माझा न्यूज ने मांडला आणि शेवटी तो आवाज प्रशासनाच्या कानावर पोहोचला. परांडा पंचायत समिती कार्यालयात बसवलेला नवीन पाणी फिल्टर अनेक दिवसांपासून धूळखात पडून होता. नागरिक आणि कर्मचाऱ्यांना पिण्याच्या पाण्यासाठी दररोज त्रास सहन करावा लागत होता.
स्टार माझा न्यूज ने ही गंभीर बाब समाजमाध्यमांद्वारे आणि बातमीतून प्रभावीपणे मांडली. त्यानंतर प्रशासनाने तत्काळ दखल घेतली आणि धूळखात पडलेला तोच नवीन पाणी फिल्टर कार्यान्वित केला.
आज त्या ठिकाणी येणाऱ्या नागरिकांनी आणि पंचायत समितीतील कर्मचाऱ्यांनी स्टार माझा न्यूज चे मनापासून आभार मानले आहेत. “तुम्ही ही बातमी दिलीत म्हणून पाणी फिल्टर चालू होऊन तहानलेल्यांना पाणी मिळालं,” असे भावनिक शब्द अनेकांच्या तोंडून ऐकायला मिळाले.
या घटनेने पुन्हा एकदा सिद्ध झाले की, बातमी फक्त शब्द नसते, ती जनतेचा आवाज आणि प्रशासनाला हलवणारी ताकद असते. स्टार माझा न्यूज ने ही भूमिका बजावत नागरिकांचा हक्काचा थेंब मिळवून दिला आहे.
बातम्या व जाहिरातीसाठी संपर्क: संपादक रियाज पठाण – 9405749898 / 9408749898
Author: starmazanews
News analysts, reporters, and journalists keep the public updated about current events and noteworthy information.
