परंडा, दि. 29 एप्रिल 2025 | स्टार माझा न्यूज प्रतिनिधी – गोरख देशमाने
भ्याड हल्ल्याचा तीव्र निषेध कश्मीरमधील पहलगाम येथे झालेल्या दहशतवादी हल्ल्यात शहीद झालेल्या जवानांना श्रद्धांजली अर्पण करण्यासाठी परंडा शहरातील छत्रपती शिवाजी महाराज चौकात शिवसेना (उद्धव बाळासाहेब ठाकरे) पक्षाच्या वतीने श्रद्धांजली सभा आयोजित करण्यात आली होती.
शिवसेनेच्या नेतृत्वाखाली घोषणा व श्रद्धांजली ही सभा जिल्हाप्रमुख मा. रणजित ज्ञानेश्वर पाटील यांच्या नेतृत्वाखाली सायंकाळी 7 वाजता आयोजित करण्यात आली. या वेळी उपस्थित शिवसैनिकांनी “पाकिस्तान मुर्दाबाद”च्या घोषणा देत देशभक्तीचा आविष्कार केला.
नेते व पदाधिकाऱ्यांची उपस्थिती या प्रसंगी युवासेना नेते विश्वजित पाटील, शहर प्रमुख रईस मुजावर, माजी नगराध्यक्ष सुभाष शिंदे, उपनगराध्यक्ष इस्माईल कुरैशी, नगरसेवक शब्बीर पठाण, मन्नान बासले, डॉ. अब्बास मुजावर, संजय कदम यांच्यासह अनेक मान्यवर उपस्थित होते.
शिवसैनिकांचा उत्स्फूर्त प्रतिसाद कार्यक्रमात बाजार समिती संचालक, सरपंच, चेअरमन, युवासेनेचे पदाधिकारी, सोसायटी संचालक व शिवसैनिक मोठ्या संख्येने सहभागी झाले होते. शहीद जवानांना श्रद्धांजली अर्पण करत सर्वांनी हल्ल्याचा निषेध केला.
बातम्या व जाहिरातीसाठी संपर्क: संपादक रियाज पठाण – 9405749898 / 9408749898
Author: starmazanews
News analysts, reporters, and journalists keep the public updated about current events and noteworthy information.
