कायद्याचे तज्ञ वैभव गिते यांनी उपस्थित राहून केले महत्त्वपुर्ण मार्गदर्शन
स्टार माझा न्यूज परांडा प्रतिनिधी गोरख देशमाने
भुम प्रतिनिधी दि. 25
डॉ बाबासाहेब आंबेडकर संशोधन व प्रशिक्षण संस्था बार्टीच्या पुढाकाराने, आयुक्त समाज कल्याण पुणे यांच्या आदेशानुसार उपविभागीय दक्षता व नियंत्रण समितीच्या वतीने भुम उपविभागीय स्तरावर पोलिस अधिकारी व महसूल अधिकारी व कर्मचारी तसेच पंचायत समिती स्तरावरील सर्व अधिकारी कर्मचारी आणि गाव पातळीवरील पोलीस पाटील, ग्रामसेवक यांच्यासाठी अनुसूचित जाती जमाती अत्याचार प्रतिबंधक कायदा 1989 सुधारित अधिनियम 2016 सुधारीत अधिनियम 2018 अन्वये ॲट्रॉसिटी कायदा प्रशिक्षण कार्यशाळा व सामाजिक व जातीय सलोखा या विषयावर महत्त्वपूर्ण प्रशिक्षणाचे आयोजन उपविभागीय दक्षता व नियंत्रण समिती भुम यांच्या माध्यमातून दि 23 रोजी तहसील कार्यालय भुम येथील सभागृहात करण्यात आले होते. या कार्यशाळेला प्रमुख मार्गदर्शक म्हणून ॲट्रॉसिटी कायद्याचे अभ्यासक व तज्ञ नॅशनल दलित मुव्हमेंट फॉर जस्टीस चे संघटनेचे राज्य सचिव वैभव गीते यांचे मार्गदर्शन लाभले त्यांनी नागरी हक्क संरक्षण कायदा आणि अनुसूचित जाती जमाती अत्याचार प्रतिबंधक कायद्याची कलम निहाय विस्तृत माहिती देवून सामाजिक बहिष्कार विरोधी कायदा व ॲट्रॉसिटी कायदा हा खऱ्या अर्थाने समाजातील भेदभाव नष्ट करणारी एक संहिता आहे व कोणत्याही गावात जातीच्या कारणावरून वादविवाद होणार नाहीत यासाठी सर्व जाती धर्मातील कार्यकर्ते व पोलीस पाटील यांनी दक्षता घेणे गरजेचे आहे तसेच ॲट्रॉसिटी कायद्यासंदर्भात योग्य अंमलबजावणी व्हावी म्हणून शासनाने वेळोवेळी परिपत्रके शासन निर्णय काढलेले आहेत तसेच उच्च न्यायालय, सर्वोच्च न्यायालय यांचे न्यायनिवाडे अगदी सोप्या भाषेत उपस्थितांना समजावून सांगीतले तसेच ॲट्रॉसिटी कायदा व कायद्यातील बारकावे, संबंधित सर्व अधिकाऱ्यांच्या जबाबदाऱ्या समजावून सांगितल्या. यावेळी एन डी एम जे संघटनेचे जिल्हाध्यक्ष अजिनाथ राऊत, प्रांताधिकारी वैशाली पाटील, डिवायएसपी गौरीप्रसाद हिरेमठ यांनी देखील सदर कायद्याचे मौल्यवान मार्गदर्शन केले. कार्यशाळेचे अध्यक्ष उपविभागीय अधिकारी वैशाली पाटील तर उद्घाटक उपविभागीय पोलिस अधिकारी गौरीप्रसाद हिरेमठ हे होते तर प्रमुख पाहुणे म्हणून भुम परंडा या दोन्ही तालुक्याचे तहसीलदार जयंत पाटील, निलेश काकडे, गटविकास अधिकारी मनोज राऊत, पोलीस निरीक्षक प्रल्हाद सुर्यवंशी, विनोद इज्जपवार, सरकारी अभियोक्ता कोळपे, वैद्यकीय अधीक्षक, तालुका आरोग्य अधिकारी होते यांच्यासह संबधित क्षेत्रातील सर्व अधिकारी उपस्थित होते. कार्यशाळा संपन्न करण्यासाठी एन डी एम जे संघटनेचे जिल्हाध्यक्ष अजिनाथ राऊत यांनी व त्यांच्या पदाधिकाऱ्यांनी परीश्रम घेतले कार्यशाळेला या समितीचे अशासकीय सदस्य रावसाहेब पटेकर, रविंद्र लोमटे तसेच भुम परंडा तालुक्यातील बहुसंख्येने अधिकारी व कर्मचारी आणि पोलीस पाटील, कोतवाल, तलाठी ग्रामसेवक, सरपंच ग्रा. पं. सदस्य तसेच विविध क्षेत्रातील कार्यकर्ते पदाधिकारी उपस्थित होते
स्टार माझा न्यूज संपादक :- रियाज पठाण 9405749898 /9408749898


Author: starmazanews
News analysts, reporters, and journalists keep the public updated about current events and noteworthy information.