स्टार माझा न्यूज परंडा प्रतिनिधी गोरख देशमाने.
परंडा, 16 जुलै 2024 रोजी राजे शिवाजी पब्लिक स्कूल परंडा येथे लहान मुलांची वारकरी दिंडी अतिशय उत्साहात संपन्न झाली. या कार्यक्रमात विद्यालयातील नर्सरी, Lkg आणि Ukg च्या वर्गातील विद्यार्थ्यांनी सहभाग घेतला. विद्यार्थी विठ्ठल आणि रखुमाईच्या वेशात सजले होते तर काही विद्यार्थी वारकऱ्यांच्या वेशात होते. यामुळे सर्व वातावरण विठ्ठल नामाच्या जयघोषाने आणि उत्साहाने भरून गेले.
विद्यालयाच्या मुख्याध्यापिका मनिषा बनसोडे यांनी दिंडीचे स्वागत केले तर बावची विद्यालयाचे मुख्याध्यापक श्री. नारायण खैरे यांनी वारकऱ्यांना फळांचे वाटप केले. पालकांमधून केतकी अमोल क्षीरसागर यांच्या घरी दिंडीचे स्वागत करून केळीचे वाटप करण्यात आले.
या कार्यक्रमाच्या यशस्वी आयोजनासाठी सरोजा बनसुडे, राधा बावकर, हेमा कुलकर्णी, भारती ओव्हाळ, तिंबोळे आणि रोकडे यांनी परिश्रम घेतले. यावेळी विद्यालयातील सर्व विद्यार्थी, शिक्षक आणि शिक्षकेत्तर कर्मचारी उपस्थित होते.
या वारकरी दिंडीमुळे विद्यार्थ्यांमध्ये भक्ती आणि संस्कृतीची भावना निर्माण झाली. तसेच, वारकरी संप्रदायाची शिकवण आणि त्याचे महत्त्व यांचाही त्यांना बोध झाला.
स्टार माझा न्यूज संपादक :- रियाज पठाण 9405749898 / 9408749898
Author: starmazanews
News analysts, reporters, and journalists keep the public updated about current events and noteworthy information.
