उस्मानाबाद | जीवनशैली | ताजा समाचार | महाराष्ट्र | राजनीति

कांदा अनुदानासाठी छावा चे शोले स्टाईल आंदोलन.

October 31, 2023
10:06 am

starmazanews

स्टार माझा न्यूज :- परंडा प्रतिनिधी गोरख देशमाने.
परंडा तालुक्यातील कांदा उत्पादक शेतकऱ्यांची लावलेली थट्टा थांबविण्यासाठी छावा संघटना करणार शोले स्टाईल आंदोलन…….
याबाबतचे निवेदन तहसील कार्यालय परांडा या ठिकाणीदेण्यात आले.
या निवेदनात राज्य सरकारने मंजूर केलेले कांदा अनुदान मिळवण्यासाठी संघटना व परंडा तालुक्यातील शेतकऱ्यांनी मिळून दिनांक 11 सप्टेंबर 2023 रोजी आंदोलन केले होते त्यावेळी सहाय्यक निबंध कार्यालयाकडून आम्हास आश्वासन देण्यात आलेे होते परंतु एक महिना उलटूनी अनुदान न मिळाल्यामुळे दिनांक १० ऑक्टोबर 2023 रोजी करमाळा रोडवर रास्ता रोको आंदोलन करण्यात आले त्यावेळी देखील सहाय्यक निबंधक संजय जाधव यांनी जिल्हा निबंधक अधिकारी यांच्याशी फोन द्वारे बोलणे करून देऊन पंधरा दिवसात अनुदान वितरित करणार असल्याचे आश्वासन दिले.
परंतु आज या आंदोलनास वीस दिवस पूर्ण झालेले असताना देखील कांदा उत्पादक शेतकऱ्यास कांदा अनुदान मिळालेले नाही परंडा तालुक्यात पुरेसा पाऊस न झाल्यामुळे शेतकरी व पशुपालक मेटाकोटीस आलेला आहे तरी कांदा उत्पादक शेतकऱ्यांची दिवाळी गोड व्हावी. म्हणून त्वरित कांदा अनुदान वितरित करण्यात यावे. अन्यथा येत्या आठ दिवसात कांदा अनुदान न मिळाल्यास छावा क्रांतिवीर सेना व परंडा तालुक्यातील ऊस कांदा उत्पादक शेतकरी यांच्या वतीने दिनांक 08 नोव्हेंबर 2023 रोजी शोले स्टाईल आंदोलन करण्यात येईल व होणाऱ्या परिणामास सर्वस्वी आपण जबाबदार असाल, असे निवेदन देण्यात आले.
हे निवेदन माहितीस्तव
महाराष्ट्र राज्य कृषी पणन विभाग पुणे,
मा. जिल्हाधिकारी धाराशिव, मा. पालकमंत्री धाराशिव, मा. जिल्हा निबंधक धाराशिव, मा. पोलीस निरीक्षक परंडा, मा. सहाय्यक निबंधक परंडा यांना देण्यात आले
निवेदनावर छावा क्रांतिवीर सेनेचे मराठवाडा संपर्कप्रमुख अमर भाई शेख, जिल्हा उपाध्यक्ष आकाश जेधे, तालुकाध्यक्ष सुधीर लटके, भाऊसाहेब रोडगे पांडुरंग गरड, रावसाहेब शिंगारे, श्रीराम दत्तात्रय धनवे, राजेंद्र गरड, परसराम कोळी, संदीप गरड, संघर्ष साळुंके, अभिलाष सूर्यवंशी, जयदेव गरड, कृष्णा कदम, गणेश गरड, वजीर शेख, धनंजय वाघमोडे, कालिदास गरड आदी संघटनेचे कार्यकर्ते व शेतकऱ्यांच्या सह्या आहेत.