पुणे प्रतिनिधी नामदेव मेहेर.
पिंपरी चिंचवड :- मॉडर्न प्राथमिक विद्यामंदिर निगडी येथे 9 ऑगस्ट ‘क्रांतीदिन’उत्साहात साजरा करण्यात आला. या कार्यक्रमास प्रशालेचे मुख्याध्यापक श्री पांडुरंग मराडे सर प्रमुख पाहुणे म्हणून उपस्थित होते. याप्रसंगी इयत्ता पहिली ते चौथीच्या विद्यार्थ्यांनी विविध क्रांतिकारकांची वेशभूषा परिधान केली होती.सोहम पडवेकर, आर्या बावणे, श्रेणू गवळी, या विद्यार्थ्यांनी क्रांतिकारकांच्या गोष्टी सांगितल्या.
शाळेच्या शिक्षिका अपर्णा घोलप यांनी क्रांतिदिनाची माहिती सांगितली तसेच कैलास माळी यांनी देशभक्तीपर गीत सादर केले. इयत्ता चौथी च्या विद्यार्थ्यांची शालेय परिसरामध्ये रॅली काढण्यात आली.
या कार्यक्रमाचे सूत्रसंचालन श्रीमती माया सूर्यवंशी यांनी केले. प्रमुख पाहुणे पांडूरंग मराडे यांनी कार्यक्रमाची प्रस्तावना केली.
यानिमित्त इयत्ता पहिली ते चौथीच्या विद्यार्थ्यांची आंतरवर्गिय समूहगीत स्पर्धा आयोजित करण्यात आली. सर्व विद्यार्थ्यांनी जोशपूर्ण गाणी म्हटली. समूहगीत स्पर्धेचे परीक्षण सुजाता कुलकर्णी, जोगेश्वरी पैलवान, वैशाली आटोळे, किरण वारके यांनी केले.गीतांजली रायरीकर यांनी कार्यक्रमाचे आभारप्रदर्शन केले.
या कार्यक्रमास प्रशालेचे व्हीजीटर राजीव कुटे,शाला समिती अध्यक्ष चित्तरंजन कांबळे,संस्थेचे कार्याध्यक्ष प्रा.डॉ.गजानन एकबोटे यांनी शुभेच्छा दिल्या.
www.starmazanews.com स्टार माझा न्यूज संपादक :- रियाज पठाण 9405749898 / 9408749898
Author: starmazanews
News analysts, reporters, and journalists keep the public updated about current events and noteworthy information.
