www.starmazanews.com संपादक :- रियाज पठाण 9405749898 / 9408749898
परंडा प्रतिनिधी दि 11 जुलै 2023. स्वीडन मध्ये पवित्र मुस्लिम धर्मग्रंथाच्या विटंबनामुळे जगभर अशांततेचा नवा आगडोंब उसळणार हे सिद्ध होताना दिसत आहे. स्वीडनचे राजधानी स्टोकहोम मध्ये पवित्र कुराणच्या विटंबनामुळे ,जगभरातील सर्वच मुस्लिम देशातील नेत्यांनी आणि मुस्लिम नागरिकांनी तीव्र संताप व्यक्त केला आहे. या प्रकरणाचे लोट आता स्वीडन पासून आखाती देशापर्यंत पोचले आहेत. स्वीडनचे उजव्या विचारसरणीचे नेते रासमुस पालुदान यांनी स्टॉकहोममधील तुर्की दूतावासासमोर कुराणची विटंबना केल्यामुळे, जगभर अशांततेचा बिगुल वाजला आहे.
स्वीडनच्या पंतप्रधानांनी, या घटनेचा ट्विट करून निषेध केला आहे, परंतु एका ट्विटच्या निषेधापुढे जगभरातील मुस्लिम नागरिकांच्या भावना या मोठ्या आहेत आणि आंदोलन करण्याच्या नावाखाली पवित्र कुराण विटंबना केल्यामुळे , रासमुस पालुदान यांनी केलेला गुन्हा अक्षम्य आहे अशा भावना सर्वच मुस्लिमबहुल देशांतून उमटत आहेत. स्वीडनसह उर्वरित युरोप, तुर्की, पाकिस्तान, जॉर्डन, कुवेत आणि सौदी अरेबिया येथून तीव्र प्रतिक्रिया उमटताना दिसत आहेत. या घडलेल्या घटनेचा तीव्र निषेध करत उस्मानाबाद जिल्ह्यातील परंडा तालुका येथे मुस्लिम समाज बांधवांनी परंडा तहसीलदार मार्फत राष्ट्रपतींना निवेदन दिले आहे.यावेळी परंडा शहरातील मुस्लिम बांधव मोठ्या संख्येने उपस्थित होते.
Author: starmazanews
News analysts, reporters, and journalists keep the public updated about current events and noteworthy information.
