स्टार माझा न्यूज:- पुणे प्रतिनिधी नामदेव मेहेर.
सोमवार दिनांक 03/07/2023 रोजी प्रोग्रेसिव्ह एज्युकेशन सोसायटीचे मॉडर्न प्राथमिक विद्यामंदिर निगडी येथे गुरुपौर्णिमेचा कार्यक्रम उत्साहात साजरा करण्यात आला.गुरुपौर्णिमा म्हणजेच व्यासपौर्णिमा या दिवशी ओम नमोस्तुते व्यास विशाल बुद्धे अशी प्रार्थना करून महर्षी व्यास यांना प्रथम वंदन करण्याचा प्रघात आहे, परंपरा आहे.

आपण ज्यांच्याकडून विद्या प्राप्त करतो,मिळवतो.अशा या गुरूंना मान देणे,आदराने कृतज्ञता व्यक्त करणे हे आपले कर्तव्य आहे.म्हणूनच या दिवशी भक्तिभावाने गुरुंचे पूजन करतात.
शाळेमध्ये प्रथम प्रमुख पाहुण्यांच्या हस्ते महर्षी व्यास यांच्या प्रतिमेचे पूजन करण्यात आले. शाळेतील उपशिक्षक नरेश कांबळे यांनी विद्यार्थ्यांना गुरुौर्णिमेची माहिती सांगीतली.कार्यक्रमाच्या प्रास्ताविकात प्रशालेचे मुख्याध्यापक श्री.पांडुरंग मराडे यांनी आपल्या भारतीय संस्कृतीत गुरूपोर्णिमेचे महत्व सांगताना आई – वडील, निसर्ग, पुस्तके हे देखील आपले गुरू आहेत अशी माहिती विद्यार्थ्यांना सांगीतली तसेच इयत्ता चौथी शिवनेरी गटातील विद्यार्थी चि.सोहम पडवेकर याने गुरुशिष्य परंपरेवर आधारित एक छान कथा सांगीतली.यानंतर सर्व विद्यार्थ्यांच्या हस्ते मातृपूजन व गुरूपूजनाचा कार्यक्रम घेण्यात आला.यावेळी पालक शिक्षक संघाच्या उपाध्यक्षा सौ.रेणुका पडवेकर,माता पालक संघाच्या उपाध्यक्षा सौ.वर्षा आजरेकर इत्यादी मान्यवर उपस्थित होते. पालक संघातील सदस्यांच्या हस्ते सर्व गुरुजनांचा गुलाबपुष्प व श्रीफळ देऊन सत्कार करण्यात आला.गुरुपौर्णिमेनिमित्त सर्व विद्यार्थ्यांसाठी कथा-कथन स्पर्धेचे आयोजन करण्यात आले होते.कार्यक्रमाचे सूत्रसंचालन उपशिक्षिका माया सूर्यवंशी यांनी केले. शाळा समितीचे अध्यक्ष श्री. चित्तरंजन कांबळे,व्हिजिटर श्री.राजीव कुटे,संस्थेचे कार्याध्यक्ष श्री.गजानन एकबोटे यांनी कार्यक्रमाचे कौतुक करून सर्व विद्यार्थी व शिक्षक यांना गुरुपौर्णिमेच्या शुभेच्छा दिल्या.कार्यक्रमाच्या शेवटी ज्येष्ठ शिक्षिका सुजाता कुलकर्णी यांनी आभारप्रदर्शन केले.

www.starmazanews.com संपादक :- रियाज पठाण 9405749898 / 9408749898

Author: starmazanews

News analysts, reporters, and journalists keep the public updated about current events and noteworthy information.